Microsoft Word kasbiy psixologiya \355.\355.\355

Texnika  fanlari  bilan  psixologiyaning  o’zaro  aloqasi  va  hamkorligi  yaqqol  sezilmoqda.  Bir 
tomondan  murakkab  texnikani  boshqaruvchi  inson  ongi  muammosini  yechishda,  ikkinchi  tomondan, 
psixik  hayotning  murakkab  qirralarini  ochishda  maxsus  texnik  vositalardan  foydalanish  zarurati  bu 
ikki  yo’nalishning  erishgan  yutuqlarini  birlashtirishni  nazarda  tutadi.  Masalaning  yana  bir  alohida 
tomoni  ham  borki,  uhambo’lsa,  texnika  taraqqiyotga  intilayotgan  bir  vaqtda  murakkab  texnika  va 
mashinalar  bilan  «muloqot»  qilayotgan  shaxs  faoliyatini  yanada  mukammallashtirish  va  uning 
imkoniyatlariga  moslash  masalasi  ham  anashu  hamkorlikda  hal  qilinishi  lozim  bo’lgan  masaladir. 
Ayniqsa,  mustaqil  O’zbekiston  uchun  murakkab zamonaviy  texnika  sir  – asrorlarini  biladigan,  uning 
jamiyat  va  fan  ravnaqiga  xizmatini  ta’minlash  qanchalik  dolzarb  bo’lsa,  ana  shu  texnikaga  har  bir 
oddiy  fuqaro  ongi,  tafakkuri  va  qobiliyatlarini  moslashtirish  va  «odam  -  mashina»  dialogining  eng 
samarali  yo’llarini  izlab  topishi  juda  muhim.  Texnika  bilan  bemalol  «tillashadigan»  malakali 
mutaxassislar tayyorlash borasida ham texnika fanlari pedagogika va psixologiya fanlari metodlaridan 
foydalana olsagina, muvaffaqiyatga erishadi. 
1.5.7. Psixologiya va iqtisodiyot 
Iqtisodiyot  bilan  psixologiyaning  o’zaro  aloqasi  va  hamkorligi  ham  yangilik  bo’lib,  ayniqsa, 
bozor munosabatlariga bosqichma – bosqich o’tish sharoitida iqtisodiy ong hamda iqtisodiy xulqning 
o’ziga  xos  namoyon  bo’lish  qonuniyatlarini  o’rganishda  ikkala  fan  teng  xizmat  qiladi.  O’zbekiston 
Prezidenti I. Karimov mustaqillikning dastlabki yillaridayoq fuqorolarda, birinchi navbatda, yoshlarda 
yangicha  iqtisodiy  tafakkur  shakllanishining  jamiyat  iqtisodiy  taraqqiyotidagi  ahamiyatiga  e’tiborni 
qaratgan  edilar.  Demak,  yangi  davr  shaxsini  tarbiyalash  va  uning  jamiyatga  moslashuvi  masalasida 
psixologiya  iqtisodiyot  fanida  qo’lga  kiritgan  yutuqlar,  yangiliklar  va  iqtisodiy  samaraga  erishish 
omillarini  hisobga  olsa,  iqtisodiyot  o’z  navbatida  iqtisodiy  islohotlarning  obyekti  hamda  subyekti 
bo’lmish  inson  omilidagi  barcha  psixologik  o’zgarishlarni  aniqlash,  tahlil  qilish  va  shu  asnoda 
bashorat qilish vazifasini yechishi kerak. 
Yuqorida  ta’kidlangan  fan  tarmoqlari  psixologiya  bevosita  o’zviy  aloqada  rivojlanadigan 
fanlarning asosiy qismi xolos. Bugungi kunda har bir fan rivoji uchun inson omilini hisobga olish zarur 
ekan, psixologiya o’sha barcha fanlar bilan aloqada va hamkorlikda rivojlanadi. 
Mazkur mavzuni chuqurroq o’rganishda internet tarmog’idagi ma’lumotlarga ham e’tiboringizni 
qaratishni tavsiya etamiz, qarang (www.psychology.net.ru).  
Nazorat uchun savollar: 
1.Mehnat psixologiyasining vazifasi nimalardan iborat? 
2.Ijtimoiy psixologiya nimani o’rganadi? 
3.Psixologiyaning tarmoqlarini ayting? 
4.Huquq psixologiyasining vazifasini ayting? 
5.Sa’nat psixologiyasi nimani o’rganadi? 
6.Psixologik metodlarning maqsad va vazifalari nimalardan iborat? 
7.Kuzatish metodining vazifalari nimalardan iborat 
8.Ekpriment metodining bosqichlarini ayting? 
9.Suxbat metodida nimalarga e’tibor berish kerak? 
10. Psixologiya qaysi fanlar bilan o’zaro bog’liq?