Microsoft Word Jahon tarixi rasmsiz pechat varianti doc

Numansiya bilan bo‘lgan urushda (miloddan avvalgi 138-133 
yillar) o‘zini qahramonona himoya qilgan Numansiya lashkarlari Rim 
qo‘shinlarini bir necha bor mag‘lub qilganlar. Bu urushlardan birida 
numansiyaliklar konsul Mansin boshchiligidagi Rim qo‘shinini tog‘ 
oralig‘ida qurshab olganlar. Rimliklarni bu tang ahvoldan Mansinning 
bosh xazinachisi Tiberiy Grakx Semproniy urushni to‘xtatishga va'da 
qilib, numansiyaliklarni rimliklarga yo‘l ochib berishga ko‘ndirgan. 
Lekin Rim senati bunday tahqiromuz Shartnomani tasdiqlamagan. 
Senat Ispaniyaga o‘sha davrda Rimning eng yaxshi sarkardasi Stsipion 
Emilianni yo‘llaydi. U Numansiyani qamal qilib, oziq-ovqatsiz qolgan 
shahar aholisining qahramonona qarshiligini yengadi (miloddan 
avvalgi  133 yil). Rim qo‘shinining asosiy kuchlari Pireney yarim 

---

 
 
327
orolida band bo‘lgan bir vaqtda, Sitsiliyada qullar qo‘zg‘olon 
ko‘taradilar (miloddan avvalgi 138 - 132 yillar). 
Sitsiliyada qullar qo‘zg‘oloni. Sitsiliyada miloddan avvalgi V - IV 
asrlardayoq yirik quldorlik xo‘jaliklari bo‘lgan. Miloddan avvalgi II 
asrda Sitsiliyalik quldorlar, tarixchi Diodorning fikricha, ko‘plab 
qullarni sotib olganlar. Qullar orasida miloddan avvalgi 130 yillar 
boshidagi Suriya qo‘zg‘olonining ishtirokchilari ham bor edi. 
Miloddan avvalgi 138 yilda ulardan biri, Yevn ismli shaxs Enna 
shahri hukmdorlariga qarshi fitna uyushtiradi. Qo‘zg‘olon ko‘targan 
qullar shaharni egallab, egalarining jabr - zulmi uchun ulardan ayovsiz 
o‘ch olganlar. Yevn qo‘zg‘olonchilar yo‘lboshchisi qilib saylangan. U 
o‘zini hukmdor Antiox deb e'lon qiladi. O‘z shohligini “Yangi