Microsoft Word Jahon tarixi rasmsiz pechat varianti doc

Kamesudan keyingi Fiva podsholaridan biri Yaxmos I giksoslar 
ustidan uzil - kesil g‘alaba qozonib, XVIII Fiva sulolasiga asos solgan. 
Yaxmos I ning harbiy faoliyati uning katta mansabdorlaridan biri 
Yaxmos Iabana o‘g‘lining bizning zamonamizgacha saqlangan 
tarjimai holidan ma'lum. Bu tarixiy hujjatda Yaxmos I ning chet 
elliklar bilan olib borgan urushi davrlarga bo‘lib ta'riflangan. Misr 
qo‘shinlari giksoslarning deltadagi asosiy tayanch punkti Avaris 
shahrini qamal qiladilar. Giksoslarning qattiq qarshilik ko‘rsatishiga 
qaramay, misrliklar ularning qo‘shinlarini tor-mor qilib, Misrdan 
haydab chiqarishga muvaffaq bo‘ladilar. Misr qo‘shinlari giksoslarni 
ta'qib etib, Osiyoga ham kirib borib, giksoslarning Old Osiyodagi 
hokimiyat markazlarini egallab olishga intilganlar. 
O‘sha vaqtdan qolgan yozuvlarga qaraganda, Misr qo‘shinlari to 
Finikiya va Suriya viloyatlarigacha kirib borganlar. Yaxmos I, 
ayniqsa, Nubiyada katta muvaffaqiyat qozongan. U Nubiyaning ilgari 
Misr podsholari qo‘l ostida bo‘lgan viloyatlarini yana qaytadan istilo 
qilgan. 
U davrda katta ibodatxonalarga qarashli yirik hunarmandchilik 
ustaxonalari ko‘p edi. Nofer Ronpet maqbarasi devorlarida (19 sulola 
davri) 20 dan ortiq kishi ishlayogan Amon ibodatxonasi ustaxonasi 
tasvirlangan
1
. Ayniqsa, vazir Rexmer maqbarasi devorlarida 
saqlangan tasvirlar muhim ahamiyatga ega. Bu hunarmandlar orasida 
chet ellik qullar ham bo‘lgan. Bunga Rexmer maqbarasidagi tasvirlar 
va yozuvlardan ishonch hosil qilish mumkin. Tutmos III podsholik 
qilgan davrda vazir, poytaxt boshlig‘i va oliy hakam mansablarini 
egallagan bu oliy amaldor ayni paytda “Amon ibodatxonasi