Microsoft Word Jahon tarixi rasmsiz pechat varianti doc

“Ra o‘g‘li” degan yangi unvon olganlar. Memfis yaqinida V sulola 
fir'avnlari qurdirgan ibodatxona xarobalari, ayniqsa, Raga gisbatan 
e'tiqod ayniqsa kuchayganini ko‘rsatadi. 
V va VI sulola fir'avnlari ham istilochilik siyosatini davom 
ettirganlar. Ular Liviya va Nubiyada urush harakatlari olib borganlar. 
Bu urushlar oddiy halq yelkasiga og‘ir yuk bo‘lib tushgan. VI sulola 
fir'avnlari - Pepi I va Pepi II davrida Nubiyaga qarshi muvaffaqiyatli 
urush olib borilgan. VI sulola davrida yashagan amaldor maqbarasida 
Falastinga qilingan harbiy yurish haqida ma'lumotlar saqlanib qolgan. 
 
Bosqinchilik siyosati quldorlar va yirik zodagonlar 
yanada boyishi hamda kuchayishiga olib keldi. 
Ijtimoiy ziddiyatlar og‘irlashdi. Shu bilan birga idora 
ishlari markazlashib, nufuzli amaldorlar ko‘paydi, podsho va uning 
hokimiyatini ilohiylashtirishga qaratilgan puxta ishlangan mafkura 
yordamida fir'avnlar mavqyei mustahkamlandi. 
Sud idoralari rivoj topib, qadimgi jamoa sudlari o‘rnini podsho 
sudlari, podsho hakamlari egallagan. Hakam vazifasini ko‘p hollarda 
mahalliy hokim - nomarxlar ado etgan. “Oltita urug‘ uy” nomi bilan 
mashhur bo‘lgan oliy sud poytaxtda joylashgan. Oliy hakam 
mamlakatni idora qilishda birinchi yordamchi bo‘lgan. 
Qadimgi Podsholik davridagi yozuvlar maxsus harbiy 
mahkamaning tuzilishi va faoliyatiga oid o‘ziga xos xususiyatlarni 
tasavvur qilish imkonini beradi. Mamlakatning harbiy kuchlariga 
qo‘mondonlik qilish fir'avn oilasiga qarashli kishilardan biriga 
topshirilgan.  
Misrning nomlarga bo‘linib ketishi. Qadimgi Podsholik davrining 
oxirlariga kelib, ayrim nomlarda hukmdor nomarxlar butun 
hokimiyatni qo‘llariga olib, mustaqil siyosat yurita boshladilar. 
Nomarxlar fir'avn hokimiyati vasiyligidan chiqa boshladilar. 
Bularning bari fir'avn hokimiyatining zaiflashishi va markazlashgan 
tizimning yo‘qola borishiga sabab bo‘lgan. 
Davlat 
hokimyati 

---

 
 
70
Nomlarda kohinlar juda katta kuch-e'tiborga ega bo‘lgan. Har bir 
nomning o‘z xudolari bo‘lib, shu yo‘l bilan kohinlar fir'avnga qarshi 
siyosat yuritganlar. Joylarda fir'avnni ilohiylashtirishga qarshi chiqib, 
ular mahalliy xudolar obrazini iloji boricha yuksaltirishgan. Bu 
intilishga mahalliy nomarxlar ham qarshilik qilmaganlar, chunki 
markaziy hokimiyatning zaiflashuvi ularning manfaatlariga xizmat 
qilar edi. Iqtisodiy va siyosiy sohada markaziy hokimiyatning inqirozi 
natijasida Qadimgi Misr podsholigi parchalanib ketdi. 
Misr o‘rta podsholik davrida (miloddan avvalgi 2250 -1750 
yillar). Markazlashgan davlatning inqirozga uchrab, parchalanishidan 
g‘arbdagi qo‘shni liviyalik qabilalar va Sharqdagi ko‘chmanchilar 
foydalandilar. Ular Misrga bostirib kirib, uning boyliklarini talon-taroj 
qildilar. Qadimgi podsholikning markaziy shahri - Memfis ham 
inqirozga yuz tutdi. Unda hukmronlik qilayotgan VIII-sulola vakillari 
mamlakatni birlashtirishning uddasidan chiqa olmadilar. Yuqoridagi 
sabablar mamlakatning siyosiy jihatdan qaytadan birlashtirilishini 
taqozo qilardi, natijada, Misrning kuchli viloyatlari o‘rtasida 
davlatning birligini tiklash uchun kurash boshlandi
1
. 
Bu shaharlar jug‘rofiy jihatdan qulay 
joylashganligi uchun ham, mamlakatning 
iqtisodiy hayotida muhim o‘rin tutadi. 
Misrdagi siyosiy va iqtisodiy voqyealar mamlakatni qayta tiklash 
zaruratini yuzaga keltirdi. Misrni qaytadan birlashtirish uchun ham 
shimolda, ham janubda kurash boshlandi. Geliopol va Fiva shahri 
hokimlari Misrda ustun kelish va unga hukmronlik qilish uchun