Microsoft Word Jahon tarixi rasmsiz pechat varianti doc

asrlarni o‘z ichiga olgan. Xuddi shu davrda markazlashgan, kuchli 
quldorlik davlati tuzilgan bo‘lib, nisbatan madaniyat yuksalgan. 
Quyosh xudosi Navserra ibodatxonasida bayramlarda 
qurbonlikka minglab g‘ozlar so‘yilgan. Xuddi shu ibodatxonada 
asalari boqish, asal olish bilan bog‘liq manzaralar ham saqlanib 
qolgan. Bu o‘sha davrda asalarichilik mavjud bo‘lganligini ko‘rsatadi. 
Yangi boshoqli ekinlar kelib chiqqanligi ham Quyi va Yuqori 
Misrda dehqonchilik taraqqiy etganini ko‘rsatadi (meva va poliz 
ekinchiligi, shu jumladan, uzumchilik, zig‘ir va zaytun yog‘i ishlab 
chiqarish keng yo‘lga qo‘yilgan). 
Bu davrda hunarmandchilik, xususan, yog‘ochsozlik, 
toshtaroshlik, metallsozlik, kulolchilik, papirus ishlab chiqarish, 
to‘qimachilik kabilarning rivojlanganligini ko‘rsatadi. 
Yog‘ochsozlikda ishlatish uchun xom ashyo Suriya va Nubiyadan 
keltirilgan. Tosh kesish va toshdan buyumlar yasash ancha 
rivojlangan. Metallurgiya mamlakat xo‘jaligining muhim tarmog‘iga 
aylanib, ayniqsa, Qadimgi Podsholik davrida taraqqiy topdi. Podsholik 
davridayoq, misrliklar temirdan keng foydalanishgan deyishga asos 
bor. Temir nodir metall hisoblanib, zargarlikda keng qo‘llanilgan.