Microsoft Word Jahon tarixi rasmsiz pechat varianti doc

Miloddan avvalgi I asrda Markaziy Osiyodan shimoliy-g‘arbiy 
Hindistonga Xitoy manbalarida Se qabilalari deb nomlangan sak 
qabilalari kirib keldi. Saklar avval hind-yunon sulolalari bilan 
to‘qnashib, ular qo‘l ostiga o‘tgan bo‘lsalar, keyinchalik o‘z hind-sak 
davlatini barpo qildilar. Ulardan eng mashhuri, Maues chamasi 
miloddan avvalgi birinchi asr o‘rtalarida hukm surgan bo‘lib, 
Gandxara, Svat vodiysi va taxminan Kashmirning bir qismi uning qo‘l 
ostida edi. Uning vorisi Az «shohlar shohi» nomiga sazovor bo‘ldi. 
Uning davlatiga Araxosiya ham kirar edi. Milodiy birinchi asrda 
maydonga hind-parfiya sulolalari chiqib, shiddatli kurashlar boshlanib 
ketdi. Ulardan Gondofor Gandxara, Araxosiya (hozirgi 
Afg‘onistonning bir qismi) hamda Sakaston, ya'ni saklar mamlakati 
(hozirgi Seyiston) nomi bilan ma'lum bo‘lgan Drangiananing bir 
qismini qo‘lga kiritdi.