Microsoft Word islom karimov asarlar 19-jild ziyouz com doc

 
 
 
FAVQULODDA VAZIYATLAR VAZIRLIGI XODIMLARIGA 
BAYRAM TABRIGI 
 
Hurmatli do‘stlar, Favqulodda vaziyatlar vazirligining qutqaruvchilari, 
xodimlari va faxriylari! 
Sizlarni – o‘zini odamlarning hayotini asrash, favqulodda 
vaziyatlarning oldini olish va ularning oqibatlarini bartaraf etishdek 
olijanob ishga bag‘ishlagan barcha insonlarni qutlug‘ sana – Favqulodda 
vaziyatlar vazirligi tashkil etilganining 15 yilligi bilan samimiy tabriklash 
menga ulkan mamnuniyat bag‘ishlaydi.  
O‘zbekiston o‘z mustaqilligi va suverenitetini qo‘lga kiritgan dastlabki 
kunlardan boshlab mamlakatimiz aholisi va hududini tabiiy ofatlar, 
texnogen halokat va falokatlardan muhofaza qilish bo‘yicha ishonchli va 
samarali milliy tizimni yaratish hal qiluvchi vazifalardan biriga aylandi.  
Shu borada qo‘yilgan maqsadga erishish yo‘lida ko‘lami va 
mohiyatiga ko‘ra salmoqli ishlar amalga oshirildi.  
Mamlakatimizda “Fuqaro muhofazasi to‘g‘risida”, “Aholini va 
hududlarni tabiiy hamda texnogen xususiyatli favqulodda vaziyatlardan 
muhofaza qilish to‘g‘risida”, “Qutqaruv xizmati va qutqaruvchi maqomi 
to‘g‘risida”gi qonunlarning qabul qilinishi bilan favqulodda vaziyatlarning 
oldini olish va ularning oqibatlarini bartaraf qilish bo‘yicha ishlarni tashkil 
etish masalalari, shuningdek, qutqaruv xizmatlari va qutqaruvchilar 
faoliyatini, huquqiy maqomini tartibga soladigan zarur me’yoriy-huquqiy 
baza shakllandi.  
Yurtimizda va ilg‘or xorijiy mamlakatlarda to‘plangan ko‘p yillik 
tajribaga tayangan holda, fuqaro mudofaasi qurilishi bo‘yicha o‘z umrini 
o‘tab bo‘lgan eskicha yondashuv va qoliplardan tubdan farq qiladigan, har 
tomonlama puxta o‘ylangan, zamonaviy kompleks dastur asosida mutlaqo 
yangi, favqulodda vaziyatlarda ularning oldini olish va harakat qilish 
davlat tizimi hamda uning muvofiqlashtiruvchi organi – Favqulodda 
vaziyatlar vazirligi tashkil etildi.  
Bugungi kunda ushbu tizim 40 dan ortiq turli vazirlik va idoralarni, 
respublikamizning barcha hududiy bo‘g‘inlarini qamrab olib, davlat 
boshqaruvi hamda fuqarolarning o‘zini o‘zi boshqarish organlari, tabiiy 

---

www.ziyouz.com
 kutubxonasi 
140
ofat va halokatlarning oldini olish, ularning oqibatlariga qarshi kurashish 
bo‘yicha milliy kuch va vositalarning o‘zaro uyg‘unligi va yaqin 
hamkorligini ta’minlamoqda.  
Mamlakat va mintaqalarimiz darajasida tashkil etilgan harakatchan 
avariya-qutqaruv, radiatsion-kimyoviy va biologik muhofaza guruhlari, 
obyektlarning fuqaro muhofazasi tuzilmalari barcha turdagi xavfli tabiiy 
hodisalar va texnogen halokatlar, jumladan, transchegaraviy ko‘rinishdagi 
falokatlarga qarshi chora-tadbirlarni tezkor va o‘z vaqtida amalga 
oshirmoqda.  
Zamonaviy axborot-kommunikatsiya texnologiyalaridan, jumladan, 
seysmik holatlarni kuzatib borish va yong‘inlarning oldini olishda 
qo‘llanadigan texnologiyalardan, shuningdek, halokatlar paytida 
ishlatiladigan eng yangi qutqaruv uskunalari, maxsus transport va 
texnikadan keng foydalanish favqulodda vaziyatlarni monitoring va 
prognoz qilish tizimining yuksak darajada ishonchli bo‘lishini, qutqaruv 
operatsiyalarini rejalashtirish va amalga oshirishning tezkorligini 
ta’minlamoqda. 
Shu yillar mobaynida operativ fikrlash va nostandart qarorlar qabul 
qilishga qodir bo‘lgan yuqori malakali mutaxassislar tayyorlash, 
shuningdek, favqulodda vaziyatlar yuzaga kelganda aholini qanday harakat 
qilishga o‘rgatish tizimini takomillashtirish borasida ham ko‘pgina ishlar 
amalga oshirildi.  
Shu munosabat bilan mamlakatimizda ilmiy-pedagogik va o‘quv-
mashg‘ulot markazlari – Fuqaro muhofazasi instituti va Qutqaruvchilarni 
tayyorlash markazi tashkil etilgani, ularda 20 ming nafardan ortiq 
mutaxassis va qutqaruvchi ta’lim olganini alohida qayd etish zarur.  
Xorijiy markazlar bilan tabiiy ofatlar va falokatlardan muhofaza qilish 
hamda ularning oldini olish bo‘yicha xalqaro hamkorlik muvaffaqiyatli 
rivojlanmoqda. Xususan, bu borada Rossiya Federatsiyasi, Amerika 
Qo‘shma Shtatlari, Janubiy Koreya, Yaponiya, Ukraina, Latviya va boshqa 
mamlakatlar bilan amaliy hamkorlik yo‘lga qo‘yilgan. Tabiiy ofatlarni 
kamaytirish xalqaro strategiyasi va Tabiiy ofatlar xavfini kamaytirish 
bo‘yicha Osiyo markazi kabi xalqaro tuzilmalar doirasida favqulodda 
vaziyatlar xavfining oldini olishga doir ilg‘or amaliy tajribalarni almashish 
borasida samarali faoliyat olib borilmoqda.  
So‘nggi o‘n besh yil davomida Favqulodda vaziyatlar vazirligi 
tomonidan xavfli tabiiy hodisalar va texnogen halokatlarning oqibatlarini 

---

www.ziyouz.com
 kutubxonasi 
141
bartaraf etish bo‘yicha 4 mingdan ortiq yirik qutqaruv operatsiyalari 
amalga oshirildi.  
Qutqaruvchilarning fidokorona mehnati va yuksak professional 
mahorati tufayli 16 mingdan ziyod fuqaromizning hayoti va sog‘ligiga 
xavf solgan tahdidlarning oldini olishga erishilgani ayniqsa e’tiborlidir.  
Favqulodda vaziyatlar xizmatlari va tuzilmalarini tashkil topishi 
bo‘yicha shu davrda bosib o‘tilgan murakkab yo‘lni baholar ekanmiz, 
iqtisodiyot obyektlarining barqaror ishlashi, mamlakatimiz fuqarolarining 
hayoti, tinch mehnati va osoyishtaligining himoyasi ishonchli qo‘llarda, 
deb to‘liq asos bilan aytish mumkin. 
Hurmatli qutqaruvchilar! 
Keyingi vaqtda dunyoning turli mamlakatlarida ro‘y bergan yirik 
tabiiy ofat va texnogen halokatlar, respublikamizning tog‘li va tog‘oldi 
hududlarida zilzila, jala va toshqinlar, sel va ko‘chkilar yuz berish xavfi, 
shuningdek, manbai biz bilan chegaradosh davlatlar hududida joylashgan 
transchegaraviy ko‘rinishdagi xatarlarning saqlanib qolayotgani ushbu 
xavfli holatlarga qarshi samarali va tahdid darajasiga mos ravishda harakat 
qilishni, barcha qutqaruv xizmatlari va fuqaro muhofazasi tuzilmalarining 
aniq va o‘zaro uyushgan harakatini, har bir qutqaruvchining o‘z xizmat 
burchini mas’uliyat bilan bajarishini taqozo etmoqda.  
Qo‘yilgan ana shunday maqsadga erishish yo‘lida favqulodda 
vaziyatlarda ularning oldini olish va harakat qilish davlat tizimining barcha 
bo‘g‘inlari faoliyatini yanada takomillashtirish hamda moddiy-texnik 
bazasini har tomonlama mustahkamlash, qutqaruv xizmatlarining yuqori 
malakali xodimlarini tayyorlash, fuqaro muhofazasi sohasida amalga 
oshirilayotgan profilaktik tadbirlar samaradorligini oshirish bo‘yicha 
ishlarni davom ettirish darkor.  
Favqulodda vaziyatlar vazirligining har bir xodimi favqulodda 
vaziyatlarning oldini olish, aholi o‘rtasida tushuntirish ishlarini tashkil 
etish, ayniqsa, o‘sib kelayotgan yosh avlodni favqulodda vaziyatlar xavfi 
paydo bo‘lganda mavjud holatga muvofiq harakat qilishga tayyorlash 
hamda o‘qitish borasida o‘z vaqtida qabul qilingan chora-tadbirlar 
avvalambor qancha-qancha insonlarni qutqarib, hayotini asrab qolishga 
xizmat qilishini doimo yodda tutmog‘i lozim.  
Qadrli do‘stlar! 
Bugungi kunda Favqulodda vaziyatlar vazirligi tizimida o‘z ishiga 
sadoqatli, professional mutaxassislar mehnat qilmoqda. O‘zgalar dardiga 

---

www.ziyouz.com
 kutubxonasi 
142
befarq odam hech qachon qutqaruvchi bo‘lolmaydi. Chunki qutqaruvchilik 
– bu oddiy kasb emas, balki inson hayotini saqlab qolish uchun o‘zini 
qurbon qilishga, jasorat ko‘rsatishga hamisha tayyor turish demakdir. 
Ishonchim komilki, mardlik va matonat, o‘z ishining professional 
negizini chuqur bilish, tezkor harakat qilish va safarbarlik bundan buyon 
ham siz egallagan olijanob kasbning eng muhim mezoni va xususiyati 
bo‘lib qolaveradi.  
Sizlarni ushbu qutlug‘ sana bilan yana bir bor tabriklar ekanman, 
barchangizga mustahkam sog‘lik, g‘oyat mas’uliyatli faoliyatingizda 
yangidan-yangi muvaffaqiyatlar, xonadonlaringizga fayzu baraka tilayman.