Microsoft Word ece. Cep. 156. Uzbek doc

 
2.6 
Корхоналарда экологик бошқарув тизимларини рағбатлантириш 
Энг охирги пайтда Ўзбекистонда мувофиқликни рағбатлантириш чора-тадбирлар анча чекланган 
миқёсда ўтказила бошланди. 2003 йилдан 2005 йилгача ТМДҚнинг Атроф-муҳит бўйича 
сертификатлаштириш, стандартлаштириш ва нормалар давлат кенгаши маҳсулот ва хизматларни эко-
сертификатлаш тўғрисида бир қатор ҳужжатлар қабул қилди. Бироқ, амалда, муайян халқаро ва миллий 
режимлар, хусусан Хавфли чиқиндиларнинг трансчегаравий ҳаракати ва уларни йук қилишни назорат 
қилиш тўғрисида Базел конвенцияси ва Дизель ва бензин двигателли транспорт воситалари учун 
эмиссия лимитлари бўйича Европа Иттифоқи қоидалари таъсирига тушадиган чекланган миқдордаги 
маҳсулот эко-сертификатлаш доирасига киради. Эко-сертификатлар асосан бундай маҳсулотни экспорт 
ёки импорт қилиш учун берилади. 
Ўзбекистонда корхоналарда экологик бошқарув тизим (ЭБТ)ларини тарғиб қилишда муайян олға 
силжиш юз берди. 2002 йилда Ўзстандарт (Ўзбекистоннинг стандартлаш, метрология ва сертификатлаш 
бўйича агентлиги) ЭБТга тегишли ISO 14001 ва 14004 асосланган миллий стандартларни қабул қилди. 
Саккиз корхона ISO 9001 ва 14001 бўйича сертификатлаш органи сифатида аккредитация олди. 
Ўзстандарт маълумотига кўра Ўзбекистоннинг олти корхонасига ЭБТ ISO 14001 сертификати берилди 
ва 195 корхона ҳозирда ISO 9001га мувофиқ сертификатланган. 
Хўжалик тармоқларининг атроф-муҳитга тегишли фаолият жиҳатлари тўғрисидаги ахборотни кенгроқ 
жамоатчиликка етказиш орқали мувофиқликни оширишни тарғиб қилишда олға силжиш йўқ. Бу фақат 
Ифлословчи моддаларни чиқариш ва қўчиш реестрлари ёки эко-туризм ёки барқарор туризм тўғрисида 
сертификатлаш каби такомиллашган воситаларга тааллуқли эмас, ҳатто мониторинг, инспекциялар ва 
ҳуқуқий чораларни кўриш натижасида олинган маълумот кенг жамоатчиликка мунтазам равишда очиқ 
эмас. 
2.7