Microsoft Word dinda savol3 ziyouz com doc

Go‘dakka janoza o‘qiladimi? 

 

Savol: Yangi tug‘ilgan go‘dakka janoza o‘qilmaydi, deb eshitdim. Shu gapda 

asos bormi?  

Javob:  Tug‘ilayotganida o‘lgan go‘dakning yig‘lash, qimirlash kabi sog‘ligini 

bildiradigan nishonalari ko‘rilgan bo‘lsa, ism qo‘yilib, yuvib, janozasi o‘qiladi. Bordi-yu, 

qimirlash, qichqirish kabi hayot nishonasi ko‘rilmasa, go‘dak yuvilib, ism qo‘yiladi, 

matoga o‘rab ko‘miladi, janoza o‘qilmaydi. 

 

Kemada o‘lgan odam qanday ko‘miladi? 

 

Savol: Dengizda suzib ketayotgan kemada o‘lgan odam qanday dafn etiladi? 

Javob:  Dengizdagi kemada o‘lgan musulmon kishining jasadi sohil uzoqligi va 

mayyitning buzilishidan qo‘rqilgani sababli yuvilib, kafanga o‘ralib, janozasi o‘qiladi va 

dengizga tashlanadi. Dengiz tubiga cho‘kib ketishi uchun jasadga og‘ir narsa bog‘lab, 

suvga tashlash joiz. 

 

---

Dinda savolim bor. 3-kitob 

 

 

www.ziyouz.com kutubxonasi 

37

Qabrlar qanday ziyorat qilinadi? 

 

Savol: Qabristonga borish va ziyorat qilishning qanday odoblari bor? 

Javob: Har bir amalning tartib-qoidalari bo‘lganidek, qabrlarni ziyorat qilishning ham 

bir qancha odob-tartibotlari bor. Eng avvalo qabristonga borishdan oldin niyatni 

o‘nglash, qabr ziyorati faqat Alloh taolo rizosi uchun bo‘lishini niyat qilishi kerak. 

Ibratlanish uchun qabrlarni ziyorat qilish mustahab amallardan sanaladi. Payg‘ambar 

alayhissalom: «Qabrlarni ziyorat qilinglar, chunki u sizlarga oxiratni eslatadi», deganlar. 

Qabr ziyoratiga boruvchi kishi g‘uslli va tahoratli bo‘lishi, ochiq-sochiq, behayo 

kiyimlarda, ba’zi erkaklarga o‘xshab kalta shim (shorti)da bo‘lmasligi kerak. Qabristonda 

go‘yo tirik kishilar orasida yurgandek tavoze’ va odob bilan yuriladi, qabrlar oralab yoki 

ular ustidan o‘tilmaydi. Ulug‘ zotlar «Qabrni bosganimdan ko‘ra otash-cho‘g‘ni bosganim 

yaxshiroqdir», deyishgan. 

Qabristonga borilganida barcha qabr ahliga quyidagicha salom berish kerak: 

«Assalomu alaykum, ya ahlad-diyar. Va inna inshaallohu bikum la hiquvna va 

yarhamullohul mustaqdimiyna minna va musta'xiriyna. As'alulloha lana va lakumul 

‘afiya» («Sizlarga salom bo‘lsin, ey diyor-qabriston ahli! Biz ham Alloh xohlasa, (bir 

kuni) yoningizga kelamiz. Bizdan oldin o‘tganlarni Alloh rahmat qilsin! Allohdan o‘zimizga 

va sizlarga ofiyat tilaymiz»). 

Ziyorat chog‘ida qabrdagilardan yoki aziz-avliyolardan madad, shifo, farzand, hojat 

barorini so‘rash, qabrga qarab sajda (ta’zim) qilish, qabr tuprog‘ini yuz-ko‘zga surtish, 

avliyolar maqbarasini o‘pish va atrofini 

tavof qilish, yosh bolalarni qabr ustida yumalatish, qabrda yotgan ulug‘larga atab 

jonliq so‘yish Islom shariati qaytargan amallardandir, uni qilganlar mushriklardan 

hisoblanib qolishadi, Alloh asrasin. Shuningdek, qabristondagi daraxtlarga latta bog‘lash, 

qabrlar ustiga olov (sham) yoqish dinimizda yo‘q, bular qadimgi xurofiy aqidalarga 

bog‘liq. 

Qabr ziyoratiga borgan kishi Qur’oni karimdan Fotiha, Yosin, Mulk, Takosur, Ixlos, 

Falaq, Nos suralaridan xohlaganini tilovat qilib, savobini marhumlar ruhiga bag‘ishlab 

duo qiladi.