Microsoft Word dinda savol3 ziyouz com doc

Ikki mayyitga bir janoza o‘qisa bo‘ladimi? 

 

Savol: Bir masjidda ikkita mayyitga bitta janoza o‘qildi. Shu to‘g‘rimi? 

Javob:  Ikki-uch mayyit to‘planib qolsa, ularga bitta janoza o‘qisa bo‘ladi. Ammo 

ularning janozalari alohida-alohida o‘qilsa yaxshiroqdir. Qaysi biri avval kelsa, shunisiga 

birinchi o‘qiladi. Agar teng kelib qolsa, marhumlardan fazilatli kishining janozasi oldin 

o‘qiladi. Qolganlari ham fazilatiga qarab navbati bilan o‘qiladi. 

Imom bir necha mayyitning janozasini birdaniga o‘qimoqchi bo‘lsa, har bir 

mayyitning ko‘ksi imomning ro‘parasiga to‘g‘rilab qo‘yilgan holda saf qilinadi, keyin 

janozalari o‘qiladi. Bunda ham tartibga rioya qilinadi: imomga yaqin joyga avval erkak, 

keyin o‘g‘il bola, so‘ngra xunasa va keyin ayol mayyiti qo‘yilib, janozasi o‘qiladi. 

Agar zarurat yuzasidan bir necha mayyit bir qabrga ko‘miladigan bo‘lsa, janozada 

qo‘yilgan tartibning aksicha bo‘ladi: qibla tomonga erkaklar, o‘g‘il bolalar, keyin ayollar 

qo‘yiladi.