Microsoft Word dinda savol3 ziyouz com doc

Ta’ziya odoblari qaysilar? 

 

Savol: Marhumning yaqinlariga ta’ziya bildirishning qanday odoblari bor? 

Javob: Motam eri o‘lgan xotindan boshqa musibatzada kishilar uchun marhum vafot 

etgan vaqtdan boshlab uch kecha-kunduzdir. Mazkur uch kecha-kunduzdan so‘ng azani 

davom ettirish va ta’ziya bildirish makruhdir. Ammo u kunlari azaxonada bo‘lmagan 

marhum yaqinlari ta’ziya qabul qilishlari va kelolmagan kishilar keyin ham ta’ziya 

bildirishlari joizdir. 

Eri o‘lgan xotin esa to‘rt oy-u o‘n kun aza tutadi, idda o‘tiradi. Bu vaqt ichida u 

bezanmaydi, behojat uyidan chiqmaydi. Agar zarur ish bilan chiqsa ham, qaytib uyida 

tunaydi. 

Ta’ziya qabul qilish uchun hovli eshigi oldida joy qilib o‘tirish makruhdir. Birinchi kuni 

qo‘shnilar va uzoq qarindoshlarning azadorlarga taom tayyorlab yuborishlari mustahab, 

savobli amallardandir. Zero, Rasululloh (s.a.v.) shunday qilishga buyurganlar.