Microsoft Word dinda savol3 ziyouz com doc

Alloh taolodan boshqa iloh yo‘q! 

 

Savol: Hamon fikri chalg‘ib yurgan bir mahalladoshim bahslarimizdan birida 

shunday savol berib qoldi: «Alloh hamma narsaning Yaratguvchisi bo‘lsa, unda 

Uning o‘zini kim yaratgan?» Men uning bu kufrona savoliga bilimim yetganicha 

javob berdim. Sizlardan iltimos, shu to‘g‘rida atroflicha javob bersangizlar. 

Javob: Mashhur olim Ibn Arabiy «Yaratuvchining o‘zini kim yaratgan?» degan savol 

telbalarning miyasidagina paydo bo‘lishi mumkin, degan edi. Zero, «Aqli joyida bo‘lgan 

har bir kishi Yaratuvchini tanishi lozim» (Abu Hanifa). Har bir narsa to‘la sifatlari bilan 

aql orqali bilinadi. Aql bilan nafaqat seziladigan, balki sezilmaydigan narsalar ham 

bilinadi. Demak, olam, butun borliq yaratilgandir. Olamni yaratgan Zot Allohdir. Alloh 

qadimdir. Alloh qadimligining avvali yo‘qdir. Chunki Alloh qadimligining avvali 

(boshlanish davri) bo‘lsa, u birinchi paydo bo‘lgan narsa hisoblanadi va yaratuvchiga 

muhtoj bo‘ladi. Bu mutlaqo mumkin emas. Allohning borligi olamga bog‘liq emas. Alloh 

olamni yaratmasdan oldin ham bo‘lgan. U olamni yo‘q qilishidan so‘ng ham bo‘ladi. 

Rasululloh sollallohu alayhi vasallam shunday marhamat qiladilar: «(Allohim), Sen - 

avvalsan, Sendan oldin hech narsa yo‘qdir. Sen -oxirsan, Sendan boshqa barcha narsa 

yo‘q bo‘lur. Sen - zohirsan, Sendan buyuk yo‘qdir. Sen - botinsan, Sendan boshqa 

yo‘qdir!» («Sahihi Muslim».)