Microsoft Word dinda savol3 ziyouz com doc

www.ziyouz.com kutubxonasi 

5

to peshonagacha siypalanadi. 

Boshga mash tortishda hech joyga tegmagan ko‘rsatkich barmoqlar bilan quloqning 

hamma ichki tomoni, bosh barmoqlar bilan orqasi to‘la siypalanadi. 

Keyin bo‘yinga mash tortiladi. Bo‘yinga mash tortish uchun qo‘llarni yangidan 

namlash mustahabdir. Bo‘yinga mash tortish joyi vadajon - ikki jon tomiridir. Qo‘llarning 

uch kichik barmoqlarining orqa tomoni bo‘yinningjon tomirlariga tekkiziladi, xolos. 

Xalqumgacha tortilmaydi. 

Oyoqni yuvish qo‘lni yuvishdek, barmoqlardan boshlanadi. Avval o‘ng oyoq 

barmoqlaridan suv quyib, to‘pig‘i bilan bir bor yuvilgach, chap qo‘l jimjilog‘i bilan o‘ng 

oyoq jimjilog‘ining ost tomonidan boshlab barmoqlar orasidan bir-bir o‘tkazilib xilol 

qilinadi. So‘ng yana ikki bor mazkur tartibda yuviladi. Chap oyoq ham o‘ng oyoqni 

yuvish tartibida yuviladi, lekin chap oyoqni xilol qilish (chap jimjilog‘i bilan) bosh barmoq 

ostidan boshlanib jimjiloqda tugatiladi. 

Tahorat qilishda bajarilishi lozim bo‘lgan amallar uzluksiz, ya’ni bir joyda, o‘rtaga 

boshqa ishlar qo‘shilmay bajarilishi kerak. Oqar suvlarda tahorat olinganda og‘iz va 

burun suvlari ariqqa tashlanmaydi. Tahorat qilishda behuda so‘zlarni so‘zlamaslik lozim. 

Tahoratda yuzni, ikki qo‘lni tirsak bilan, ikki oyoqni to‘piq bilan (yuqorida aytilgan 

tartibda) bir bor yuvish va boshning to‘rtdan biriga mash tortish farzdir.