Microsoft Word dinda savol3 ziyouz com doc

Namozda narsa yutsa, nima bo‘ladi? 

 

Savol: Namoz o‘qiyotganda tish orasida qolgan narsani yutsa, namoz 

buziladimi?  

Javob: Agar namozxon tishi orasida qolgan narsa no‘xotdan kichik bo‘lsa, uni yutishi 

bilan namozi buzilmaydi. Ammo bu makruhdir. Agar yutgan narsasi no‘xotday bo‘lsa, 

namozi buziladi («Fatovoi olamgiriya»). 

 

Namoz vaqti qachon kiradi? 

 

Savol: Namozni vaqtida o‘qish farz hisoblanadi. Ammo peshin va asr 

namozlari vaqti faslga qarab turlicha bo‘ladi, deyishadi. Shuni to‘laroq 

tushuntirib bera olmaysizlarmi? 

Javob:  Bomdod namozining vaqti subhi sodiqdan quyosh chiqqunichadir. Sharqiy 

ufqda ko‘ndalang bo‘lib ko‘ringan yorug‘lik subhi sodiqdir. 

Peshin namozining vaqti zavoldan har bir narsaning soyasi o‘z bo‘yining ikki 

barobariga yetgunchadir. Zavoldagi soya bunga kirmaydi. 

Quyosh og‘ishga kelgan vaqti «zavol», deyiladi. Zavoldagi soya turli joylar va oylarda 

turlichadir. Bizning diyorda har bir kishining zavol vaqtidagi soyasi o‘z qadami (oyoq-

tovondan panjalar uchigacha) bilan o‘lchanganida: saratonda bir yarim, asad oyida ikki 

yarim, sunbulada uch yarim, mezon oyida besh yarim, aqrab oyida yetti yarim, qavs 

oyida to‘qqiz yarim, jadiyy oyida o‘n yarim, dalv oyida sakkiz yarim, hut oyida olti yarim, 

hamal oyida to‘rt yarim, savr oyida uch yarim, javzoyida esa ikki yarim qadam bo‘ladi. 

Odatda har bir odam bo‘yi o‘z qadami bilan yetti qadam bo‘ladi. Binobarin, deylik, hut 

oyida kishining soyasi o‘z qadami bilan yigirma yarim qadamga yetsa, peshin 

namozining vaqti chiqqan hisoblanadi. Ya’ni, yettining ikki barobari o‘n to‘rt qadam, 

unga hut oyidagi asliy soyasi miqdori - olti yarim qadam qo‘shilsa, jami yigirma yarim 

qadamdir. 

Asr namozining vaqti peshin namozi vaqti tugaganidan boshlab, to quyosh 

botgunchadir. 

Shom namozining vaqti quyosh botishi bilan boshlanadi va g‘arbiy ufqda qizil shafaq 

yo‘qolguncha davom etadi. 

Qizil shafaq yo‘qolganidan so‘ng xufton namozining vaqti kiradi. Subhi sodiqqacha 

xufton namozini o‘qisa bo‘ladi. 

Vitr namozining vaqti xufton namozining vaqtidir. Ammo vitr namozini xufton 

namozidan so‘ng o‘qish vojib. Xufton namozini o‘qimasdan vitr namozini o‘qish mumkin 

emas. 

 

---

Dinda savolim bor. 3-kitob 

 

 

www.ziyouz.com kutubxonasi 

15