Microsoft Word Conf-селекция rtf

Фойдаланилган адабиётлар: 
1. Бурыгин В.А. Растительный покров Узбекистана. В 3-х т.–Ташкент.: Фан, 1973. Т.2. С. 211-
302. 
2. Бурыгин В.А., Запрометов Н.С. О взаимостношениях древесно-кустарниковой и 
эфемероидной растительности в предгорьях юга Средней Азии //Известия АН УзССР:-Ташкент, 1955.-
№5.–С. 43-51. 
3. Запрометова Н.С. Кустарниковые солянки пустынь Узбекистана (к вопросу с введения их в 
культуру) //Материалы по растительности пустинь и низкогорий Средней Азии. - Ташкент: Изд-во АН 
УзССР, 1959.–С. 309-386. 
4. Фигурин В.А. Многолетние травы в адаптивно–ландшафтной системе земледения // Гл агр.–
Москва, 2005.-№5–С. 68-70. 
5. Қайимов А.Қ., Бердиев Э.Т. Дендрология (Дарслик). “Фан ва технология”, Тошкент – 2012. 
288 бет. 
6. Флора Узбекистана. Ташкент 1955 – 1965. I – VI тома. 
7. Ўзбекистон ҳудудини кўкаламзорлаштиришда фойдаланиладиган асосий манзарали дарахтлар 
ва буталар. “Фан ва технология”. Тошкент. 2008. 150 бет. 
8. www.wikipedia.org 
ЧЎЛ ЯЙЛОВЛАРИ ҲОЛАТИНИ ЯХШИЛАШДА ҚОРА САКСОВУЛНИНГ ЎРНИ 
Ҳамроев Ҳ.Ф. 
Тошкент давлат аграр университети 
 
Кириш. 
Ўзбекистоннинг 210 млн гектарга яқин майдонини чўлли ҳудудлар ташкил этиб, унинг 25 
млн гектарини қумли чўл яйловлари ташкил этади ва бу ерлар ўзининг оғир иқлим шароити билан 
алоҳида ажралиб туради. Бундай майдонларнинг тупроқ унумдорлиги жуда паст ва шамол эрозиясига 
учраган. Шу билан бирга бундай майдонларга қишлоқ хўжалиги экинларини экиш ва ҳосил олиш жуда 
кўп сарф-харажатни талаб қилади. Шунинг учун бундай майдонлардан чорва молларини боқишда кенг 
кўламда фойдаланилади. Лекин чўл яйловларининг маҳсулдорлиги жуда кам (1 – 3 ц/га қуруқ масса) ва 
йил давомида фойдаланишга яроқсиз ҳисобланади. Шу билан бирга уларнинг маҳсулдорлиги 
ёғингарчилик кўп бўлган йилларда яхши бўлса, қурғоқчилик йилларида жуда кам бўлиши кузатилмоқда. 
[4, 5] Бу эса чорва моллларини йил давомида тўйимли озуқа базаси билан таъминлашда турли хил 
муаммоларни юзага келтирмоқда. Чўлли ҳудудларнинг бундай ҳолатга келишида антропоген омилларнинг 

---

338
таъсири ҳам каттадир. Чўл яйловларида чорва молларининг интенсив тарзда боқилиши, 
саксавулзорларнинг ўтин сифатида кесилиши, чўлли ҳудудларнинг ўзлаштирилиб қаровсиз ҳолда 
қолдирилиши шулар жумласидандир. [2] 
Ушбу муаммоларни ечишнинг самарали усули бу чўлли ҳудудларда саксовулли иҳотазорларни 
барпо этишдир. Чунки, иҳотазорлар суғориладиган ва тоғли ҳудудларда барпо этилганда юқори самара 
берганлиги кўплаб олимлар томонидан қайд этиб ўтилган. Чўлли ҳудудларда иҳотазорлар барпо этиш 
биринчидан, чўл ўрмонлари майдонини кенгайишига сабаб бўлса, иккинчидан, шамол эрозиясини 
тўхтатиб, чўл ўсимликларини ўсиши учн қулай шароит (микроиқлим) яратиб беради. Иҳотазорларнинг 
микроиқлим ҳосил қилиш хусусиятни яхшилаш ва чўл яйловлари маҳсулдорлигини ошириш учун эса 
экиладиган дарахт ва бута тўғри танлаб олиш катта аҳамиятга эга. 
Чўл шароитини инобатга олган ҳолда ушбу ҳудудларда иҳотазорлар барпо этиш учун қора 
саксовулдан фойдаланиш катта аҳамиятга эга. Чунки, ушбу тур нафақат ҳимоя вазифасини бажаради, 
балки чорва моллари учун озуқа базаси ҳамдир.