Microsoft Word Bolalar nevrologiyasi end doc

2. SPINAL TURDAGI FALAJLAR 
Orqa miya oldingi shoxining zararlanishi segmentar tipdagi periferik 
falajlikka olib keladi. Masalan, orqa miyaning bel kengligida joylashgan oldingi 
shox hujayralari bir tomonlama zararlansa, shu tomondagi oyoq mushaklarida 
periferik falaj, ya’ni periferik monoplegiya yuz beradi.
Basharti orqa miya bel kengligining ikkala tomonidagi oldingi shox 
zararlansa, u holda oyoqlarda periferik paraplegiya yuz beradi.
Shuningdek, orqa miyaning bo‘yin kengligidagi oldingi shox bir tomonlama 
zararlansa, shu tomondagi qo‘l periferik monoplegiyaga uchraydi, zararlanish ikki 
tomonlama bo‘lganda esa ikkala qo‘lda periferik paraplegiya sodir bo‘ladi. Orqa 
miya oldingi shoxining zararlanishi natijasida kelib chiqadigan falajlarda sezgini 
o‘zgarishi bo‘lmaydi.
Segmentar tipdagi falajlar polimiyelitga, miyelitga va yon amiotrofik 
sklerozga hosdir.
Oldingi shoxlarning zararlanishish natijasida kelib chiqqan falajlarda mushak 
atoniyasi, atrofiyasi, arefleksiyasi va bundan tashqari mushaklarning fibrilyar 
tortishishlari ham kuzatilishi mumkin.
Ixtiyoriy harakat yo‘lining orqa miyaning yon tizimchasida joylashgan 
qismining zararlanishi o‘tkazuvchi turdagi spinal harakat o‘zgarishlariga olib 
keladi.
O‘tkazuvchi turdagi spinal falajlar
. Orqa miyada sodir bo‘luvchi patologik 
jarayonning joylashgan yeriga qarab, turli xil falajlanish yuz beradi. Orqa miya yon 
tizimchasidagi piramida yo‘lining shikastlanishi markaziy falajlikka olib keladi. 
Patologik jarayon orqa miyaning qaysi qismida joylashganiga qarab, har xil turdagi 
markaziy falajlar hosil bo‘ladi. Masalan, orqa miya yon tizimchasining ko‘krak 
qismi bir tomonlama zararlansa, shu tomondagi oyoqda markaziy monoplegiya yuz 
beradi. Bu hol ko‘pincha orqa miyaning ekstramedulyar o‘smasida sodir bo‘ladi.

---

 72