Microsoft Word Bolalar nevrologiyasi end doc

Epilepsiya va tutqanoqlar tasniflanishi.
Hozirgi vaqtda xalqaro tasniflanish (1989 y) qabul qilingan, unga ko‘ra 
kasallik birlamchi (idiopatik) va ikkilamchi (simptomatik) epilepsiyaga bo‘lingan.
Tutqanoq tasnifi: 
1. Parsial: 
1.1. Oddiy 
1.2. Murakkab 
1.3. Ikkilamchi generallashgan 
2. Generallashgan: 
2.1. Toniko-klonik 
2.2. Tonik 
2.3. Klonik 
2.4. Mioklonik 
2.5. Absans 
2.6. Atonik 
Epilepsiya klinikasi. 
Parsial tutqanoqlar.
 
Ularning paydo bo‘lishini neyronlarning haddan 
tashqari fokal razryadlari bilan bog‘laydilar: ular oddiy, murakkab va ikkilamchi 
generallashgan tutqanoqqa bo‘linadi.
Oddiy parsial tutqanoqlarning
 
boshlanishi lokal, xushning yo‘qolishi 
kuzatilmaydi. Ularning klinikasida turli belgilar (motor, sensor, vegetativ yoki 
psixik) bo‘lishi bilan xarakterlanib, epileptik o‘choqning lokalizatsiyasi va 
epileptik tizimning morfunksional xususiyatiga bog‘liq.
Motor tutqanoqlar
 – 
motor po‘stloqning qaysidir qismining razryadidan 
paydo bo‘ladi. (motor Djekson tutqanog‘i) va epileptik o‘choq joylashgan joyga 
nisbatan qarama-qarshi tomonda guruh mushaklarning talvasa tutqanog‘i bilan 
xarakterlanadi. Bu talvasalar mahalliy yoki bir qator qo‘shni guruh mushaklarga 
tarqalishi mumkin, po‘stloqning proyektsion harakat sohasini somatotopikasini 
o‘ziga xosligi bilan belgilanadi. Masalan, yuzda paydo bo‘lgan talvasalar kaft 
barmoqlariga, keyinchalik bilak, yelkaga (djeksonli «marsh») o‘tishi mumkin. 
Partsial motor tutqanoqlar uchraydi: okuloklonik (epileptik nistagm), ko‘zni 
harakatlantiruvchi (ko‘z, boshini va ba’zida tanani tonik bukish) aylanma 
(boshlanishi adversiv tanani o‘z o‘qi atrofida aylanishi). Bu tutqanoqlar ko‘proq 
premotor po‘stloqning razryadi bilan paydo bo‘ladi (6-8 maydon). Epileptik 
razryadlarda, motor nutq sohasidan paydo bo‘luvchi, ixtiyorsiz so‘z yoki so‘z 
bo‘g‘inlarni qaytarishi (polilaliya), ixtiyorsiz vokalizm, nuqtning to‘xtashi 
«fonator» tutqanoq ko‘rinishida kechadi.

---

 338