Microsoft Word Bolalar nevrologiyasi end doc

Solishtirma tashhis:
1.
Nevroz kasalligi. 
2.
Bosh miya qon tomir kasalliklari (ateroskleroz, gipertonik kasalliklar, 
birlamchi tizimli vaskulitlar) bilan taqqoslanadi.
Davolash:
 
etiologik, patogenetik, simptomatik davolash orqali olib 
boriladi.
Bosh miya sollitar tuberkulyozi 
Asab tizimini bu tur kasalligi kam uchrab, sil mikobakteriyalarini 
birlamchi o‘choqdan gematogen dissimenatsiyasi natijasida rivojlanadi. Ko‘pincha 
bolalar va o‘smirlarda bo‘ladi. Mayda sil bo‘rtmachalarining bir-biriga birikishi 
natijasida sollitar bo‘rtmacha hosil bo‘ladi va arteriya devorlarida joylashadi, 
kattaligi bug‘doy doni kattaligidan tuxumgacha bo‘ladi.
Solitar tuberkulyoz 
– tipik granulyasion sil to‘qimasi bo‘lib, limfoid, 
epiteleoid, gigant hujayralardan iborat. U parchalanib inkapsulyatsiyalangan sil 
abstsessiga aylanadi va miya to‘qimasida reaktiv o‘zgarishlar yuz beradi. 
Keyinchalik zichlanib kaltsifikat hosil bo‘ladi. Sollitar tuberkuloma ko‘pincha 
miyachada, miya so‘g‘onida, kam hollarda bosh miya yarim sharlari, orqa miyada 
bo‘ladi. Sollitar tuberkuloma miya ichidagi yirik hosila bo‘lib, gipertenzion va 
o‘choqli belgilarni keltirib chaqiradi.

---

 259
Klinikasi:
bosh og‘rig‘i, qusish, bradikardiya; subtentorial sohada 
joylashganda – ko‘z tubida dimlanish belgilari kuzatiladi. Yosh bolalarda 
progressirlanuvchi gidrotsefaliya rivojlanadi. Agar sollitar tuberkuloma miya 
oyoqchalarida joylashgan bo‘lsa, u III, IV bosh miya nerv o‘zaklarini zararlaydi. 
Uzoqlashtiruvchi g‘ilaylik, ptoz, midriaz qarama-qarshi tarafda esa markaziy
parez, paralich (alternirlashgan sindrom) bo‘ladi.
Miyacha tuberkulomasida – gipertenzion sindrom, ataksiya, 
adiodoxokinez, nistagm kuzatiladi.
Sollitar tuberkuloma kechuvida 2 xil variant bo‘lib, 1-holatda kasallik 
o‘tkir boshlanadi, yuqori harorat, bosh og‘rig‘i, ko‘ngil aynab qusish, talvasa 
hurujlari, parez, paralichlar kuzatiladi. 2-holatda kasallik o‘tkir osti kechuvchi 
bo‘lib, simptomatika yaqqol namoyon bo‘lmaydi. Har ikkala holatda ham kasallik 
surunkalikka o‘tib, davriy ravishda qo‘zg‘ab, remissiyaga o‘tadi. Bu kasallikni 
to‘liq tuzalib ketishi kam holatlarda bo‘ladi, ko‘pincha dislokasion sindrom va 
kalla ichi gipertenziyasi rivojlanadi.