Microsoft Word Bolalar nevrologiyasi end doc

Elektroensefalografiya 
Miya po‘stlog‘ining hujayralarida paydo bo‘lgan bioelektr toklarini bosh 
terisiga qo‘yilgan elektrodlar yordamida yozib olishga elektroensefalografiya 
deyiladi.
Ba’zi hollarda neyroxirurgik operasiya vaqtida bioelektrik toklarni bevosita 
bosh miyaning ochilgan miya po‘stlog‘i yeridan yozib olish mumkin, buni 
elektrokortikografiya deb ataladi.
Bioelektrik toklarni yozishda maxsus asbob – elektroensefalografdan 
foydalaniladi. Hozirgi vaqtda siyox bilan yoziladigan ko‘p kanalli 
elektroensefalograf qo‘llaniladi.
1929 yilda G.Berger birinchi marta kishilarda EEG ni yozdi. Bu oddiy 
qurilgan EEG bo‘lib, u quyidagilardan tuzilgan: 
1. Lampalar kuchaytirgichi: bosh miya biotokini ko‘p marta kuchaytirib 
beradi.
2. Ossillograf – potensial harakatlarning sochilgan nurlarini registratsiya 
qiladi (ularni yozib olish mumkin).
3. Sezuvchanlik kalibratori – bu tuzilma ossilografik qurilishning 
xususiyatini tekshirishda yordam beradi.
4. Elektrik qurilma yozib oluvchi va kuchaytiruvchi elektrodlardan iborat. 

---

 158
5. Kamera – obyektni ehtiyot qiladigan xona. Tekshirish vaqtida barcha 
tashqi ta’sirlarni yo‘q qilish kerak, bo‘lmasa to‘g‘ri ko‘rsatma olinmaydi. Xalaqit 
beruvchi tashqi ta’sirlarga elektr magnit maydoni, ossilografik qurilmalar, radio, 
shovqin, laboratoriyada bo‘lmasligi kerak. Elektrodlarni monopolyar joylashtirish 
mumkin, bunday holda elektr toklarini miya po‘stlog‘ining bir nuqtasidan yozib 
olinadi.
Bipolyar yozib olish (bipolyarnoe otvedenie) elektrodlarni aktiv to‘qimalar 
ustiga joylashtiriladi. Bunday holda ikkala elektrodlardan yozib olish aktiv 
hisoblanadi. Aktiv elektrodlarning orasidagi potensiallar farqini registratsiya 
qiladi. Bosh miya ostidagi (bazalnoe) tuzilmalarning biotokini registratsiya qilish 
uchun maxsus elektroddan foydalaniladi. Ko‘p variantli elektrodlar mavjud. 
Elektroensefalografik egri chiziq quyidagi belgilar bilan harakterlanadi: 
to‘lqinning tezligi, ularning turg‘unligi (ritmlarga ko‘ra), amplitudasi, shakli va 
boshqalar.