Microsoft Word ахборот технологиялар фанидан мажмуа doc

Назорат саволлари: 
1. Маълумотлар билан ишлашнинг асосий технологиялари
2. Замонавий интернет технологиялар. 
3. Сўровларга ишлов беришнинг базавий технологиялари 
4. Янги ахборот тизимига утиш принциалари.
5. Компьютер тармокларида маълумотлар билан ишлаш технологиялари.
 
10 – Мавзу: ИНТЕРНЕТ ТЕХНОЛОГИЯЛАР 
Режа: 
1. Web-дизайн ва браузерлар 
2. HTML гиперматнли саҳифаларни белгилаш тили 
3. Web-саҳифадан фойдаланишни таъминлаш 
4. Web-саҳифаларида матн ва гарфикани тақдим этиш 
5. Web-серверлар 
1. Web-дизайн ва браузерлар 
Internet тармоғини фойдаланувчиларга тармоқ ресурсларидан эркин фойдаланиш 
имкониятини берадиган WEB серверларсиз тасаввур этиб бўлмайди. Бундай серверларда 
Internetда тақдим этилган ахборотнинг катта қисми жамланган. Фойдаланувчининг ихтиёрий 

---

93 
ахборотни олиш тезлиги бундай серверларни қандай қуришга боғлиқ. Бу бўлимда WEB 
серверларни ташкил қилиш, бундай серверларни яратиш мумкин бўлган воситалар билан 
танишишга имкон берадиган, шунингдек WEB серверга «қўйилган» ихтиёрий ахборотдан 
эркин фойдалана олиш ва бу ахборот бузилмасдан кўрсатилиши учун мижоз компьютерида 
нима мавжуд бўлиши зарурлиги тўғрисидаги маълумотлар жойлашган. 
WEB сервер – мижоз компьютери тизимини ташкил қилишнинг умумий тамойиллари 
нуқтаи назаридан мижоз-сервер технологиялари ишлатилади. Бунда серверда одатда WEB 
серверда акс эттириладиган барча маълумотларни сақлайдиган маълумотлар базаси ва 
илованинг сервер қисми ўрнатилади, фойдаланувчининг иш станциясида эса ахборотни кўриш 
учун анча оддий восита ўрнатилади. Бу тизимда WEB илованинг сервер қисми «қалин» сервер 
кўринишида тақдим этилади, мижоз машинасида эса «юпқа» мижоз ўрнатилган бўлади. 
WEB технологиясининг «ёшлигига» қарамай, ҳозирги кунда браузерлар деб аталадиган 
ахборотни кўриш учун ўндан ортиқ турли воситалар мавжуд. 
Кўпчилик WEB серверлари ишлаб чиқувчилари (WEB-дизайнерлар) WEB-дизайннинг 
муҳим муаммоларидан бири – ҳар бири HTML ва сценарийларни турлича қўллаб-
қувватлайдиган браузерлар ва платформаларнинг кўплиги тўғрисида бир фикрдалар. Ҳар бир 
янги браузернинг чиқиши билан уларнинг характеристикалари ва имкониятлари яхшиланади, 
лекин бу аввалги версиялар бунда йўқ бўлиб кетишини англатмайди. Кўп ҳолларда инсонлар 
энг янги ва энг яхши нарсалар кетидан қувишга мойил эмаслар. Бирлари уларда бори билан 
қаноатлансалар, бошқалари эса браузерларни улар учун танлаб бўлган фирма ёки 
муассасаларнинг компьютерларида ишлайдилар.
WEB-саҳифа дизайнини браузерларнинг олдинги версиялари эгаларини инкор этмасдан 
туриб қандай қилиб эстетик ва техник жиҳатдан қизиқарли қилиш мумкин? Наҳотки, ихтиёрий 
браузерда ишлашга мўлжалланган WEB-саҳифа албатта зерикарли бўлиши керак? Ҳаммага 
бирдай ёқиш мумкинми? Йўқ бўлса, чизиқни қаердан ўтказиш лозим? Эски версияларнинг 
қанчаси сизнинг саҳифангиз билан ишлайди? 
Web-дизайнда қатъий қоидалар йўқ. Бош вазифа – саҳифанинг мазмунини имкон қадар 
кўп фойдаланувчилар эркин фойдаланадиган қилишдан иборат бўлганлиги сабабли олдинга 
интилиш учун эксперимент ҳам, мавжуд воситаларни эътиборга олган ҳолда янги 
технологияларни ишлатиш ҳам бир хил даражада муҳимдир. Дизайнерлик қарори 
муваффақиятининг гарови аудиториянинг эҳтиёжларини тушуниш ва сайт қандай ишлатилиши 
тўғрисида аниқ тасаввурга эга бўлишдадир. 
Netscape Navigator ва Microsoft Internet Explorer браузерлари. Бозорда икки асосий 
браузер устунлик қилади: Netscape Navigator ва Microsoft Internet Explorer. Улар биргаликда, 
уларнинг барча версияларини қўшганда, ҳозирда ишлатилаётган браузерларнинг тахминан 
90 %ни (ёки ундан кўпроғини) ташкил этади. 
Бу икки браузер бозорда ҳукмронлик қилиш учун ўзаро рақобатлашмоқда. Уларни 
курашининг натижаси сифатида HTML-тегларининг фирма коллекцияси ҳамда турли 
технологияларнинг бир-бирига мос бўлмаган амалга оширишлари (Dynamic HTML, ҳамда 
JavaScript ва Cascading Style Sheets – каскадли стиллар жадваллари) юзага келди. Бошқа 
томондан, Netscape ва Microsoft ўртасидаги рақобат умуман олганда WEB муҳитнинг тез 
ривожланишига кўмаклашди. 
Кўпчилик WEB серверлар ишлаб чиқувчилари ўз ишида Navigator ва Internet Explorer
га мўлжал қиладилар, чунки улар бозорнинг энг кўп улушига эга. Шунга қарамасдан, сиз 
эътиборга олишингиз мумкин бўлган бир қатор бошқа браузерлар ҳам мавжуд. 
Macintosh компьютерлари учун Internet Explorer 4.0 версиясида Windows учун яратилган 
версияни функционал имкониятларининг сезиларли қисми мавжуд эмас, шунинг учун 4.0 
версиясининг қатор алоҳида имкониятларини ишлатиш бир неча фойдаланувчиларни ўйиндан 
чиқариши мумкин. 
Баъзи бир ҳужжатлаштирилган фарқлар қуйидагилардан иборат: ўзига ўрнатиладиган 
шрифтларни қўллаб-қувватлашнинг мавжуд эмаслиги; CSS фильтрлари ва ўтишлар (матн 

---

94 
элементлари учун ишлатиладиган объектдан тушадиган соя каби визуал эффектлар)ни қўллаб-
қувватлашнинг мавжуд эмаслиги; мультимедиани бошқариш элементлари (одатда муаллифлик 
мультимедиа дастурий воситалари томонидан яратиладиган ўтишлар ва анимациялар 
эффектлари)нинг мавжуд эмаслиги; DHTML
ни амалга ошириш билан боғлиқ муаммолар. 
America Online браузерлари. America Online (AOL) фойдаланувчилари (платформага ва 
AOL дастурий таъминотининг версиясига қараб) мавжуд етти браузернинг бирини ишлатади, 
уларнинг баъзилари фақат HTML
ни қўллаб-қувватлашни минимал даражада таъминлайди. 
PC учун America Online
нинг энг сўнгги версияси – бу 3.0 версия бўлиб, у Microsoft 
Interne Explorer 3.0 браузерининг мослаштирилган версиясини ишлатади. 
WebTV. WebTV бизнинг хонадонимизга масофавий бошқариш пульти мавжуд оддий 
телевизор орқали Web
ни олиб кирмоқда (шунингдек, хоҳишга кўра, клавиатурадан ҳам 
фойдаланса бўлади). WEB-саҳифаларни кўриш учун WebTV ўз ихтисослашган браузеридан 
фойдаланади. У HTML 3.2 стандартига мувофиқ синтаксик таҳлилни амалга оширади, лекин 
фреймларни, Java, JavaScript, ActiveX ёки (ичига ўрнатилган Shockwave ва RealAudio 3.0 дан 
ташқари) ичига ўрнатиладиган иловаларни талаб этадиган бошқа ихтиёрий форматни акс 
эттириш имкониятларини тақдим этмайди. Шунингдек фақат WebTV
да ишлатиладиган 
кўпгина янги фирма HTML-теглари яратилган. 
WebTV тасвирни телевизор экранига чиқарганлиги сабабли ранг характеристикалари ва 
экран параметрларига янги талаблар қўйилмоқда. 
Opera. Opera – бу Ослодаги Opera Software Норвегия компанияси томонидан яратилган 
кичиккина ва оддийгина браузер. Бу браузер жуда кам вақт ичида юкланади ва диск ҳажмига 
минимал талаблар қўяди. Opera
нинг афзаллиги HTML стандартларига тўлиқ мос келиши 
ҳисобланади. Анча обрўли браузерлар ўтказиб юборадиган тегларни ёзишдаги ноаниқликлар 
(масалан, ёпувчи тегларни қолдириб кетиш, нотўғри ўрнатиш ва ҳ.к.) бу браузерда тўғри акс 
этмайди. Opera 5.0 Java, каскадли стиллар жадваллари ва DHTML
ни қўллаб-қувватлайди. 
Opera фойдаланишнинг тезлиги бўйича биринчи ўринларда турмасада, кўпчилик ишлаб 
чиқувчилар коднинг тўғрилигига амин бўлиш учун ўз сайтларини Opera
да текширишни 
давом эттирмоқдалар. 
Lynx. Lynx – бу фақат матнни кўришни таъминлайдиган бепул тарқатиладиган браузер, 
сизга Web
дан тез ва ишончли эркин фойдаланишни таклиф этади. У Web-саҳифани базавий 
функционал характеристикалар бўйича текшириш учун яроқли бўлган стандарт сифатида 
машҳур бўлди. Оддийлигига қарамай, бу браузер эскирмайди. Lynx ҳар доим 
такомиллаштирилади ва замонавийлаштирилади. Ҳозир у жадваллар, шакллар ва ҳатто 
JavaScript ни ҳам таъминлайди! 
Агар қайси браузерлар энг кўп ишлатилиши маълум бўлса, қайси технологиядан 
фойдаланиш ва тескари мослик учун қаердан чизиқ ўтказиш тўғрисида қарор қабул қилиш 
осон бўлади. Энг ишончли ахборотни, албатта, сайт ташрифларининг статистикасини юритиш 
билан олиш мумкин.