Microsoft Word 05 Kishlok xujalik mahsulotlar sifati va marketingi

Umuman korxona darajasida marketing nazorati marketing samaradorligi darajasini baholash 
va  korxonaning  yuqori  rahbariyati  tomonidan  tegishli  qaror  qabul  qilish  uchun  zarur  boʻlgan 
axborotni olishdan iborat. Mazkur nazorat quyidagilarni baholashni nazarda tutadi: marketingning 
strategik va -yillik rejalari bajarilishining samaradorligi; marketing faoliyati sohasidagi taraqqiyot; 
narx — xarajatlar — foyda munosabatini; yangi mahsulotlarni ishlab chiqarish natijalarini. 
Boʻlinma  darajasida  marketing  nazorati  uzluksiz  asosda  amalga  oshiriladi.  U  marketing 
faoliyati  alohida  elementlarining  samaradorligini  qisqa  vaqt  oraliqlarida  va  mazkur  boʻlinmaning 
rahbariyati kompetentligini uzoq muddatli istiqbolda baholashga yoʻnaltirilgan. 
Tashqi  nazorat,  odatda,  maslahat  beruvchi  firmalar  tomonidan  amalga  oshiriladi.  Masalan, 
reklama agentliklari, reklama kompaniyasining samaradorligini baholash bilan bir qatorda marketing 
faoliyatining muayyan sharoitlarga muvofiqligini ham baholashi mumkin. Yoki bozor tadqiqotlari 
bilan  shugʻullanadigan  firmalarni  olsak,  ular  sotishning  taqqoslama  dinamikasini  va 
isteʻmolchilarning korxona tovarlariga munosabatini baholaydilar. Va, nihoyat, auditorlik firmalari 
umuman marketing faoliyatining samaradorligini har tomonlama tahlil qilishlari mumkin.