Microsoft Word ЌТК ва М 1 кичоб. doc

Yakka harakatlar.Joy tanlash: himoya harakatlari samarasi o’z vaqtida, to’g’ri joy tanlay bilish va himoyalash usullarini samarali qo’llashga bog’liq. Joyni to’g’ri tanlay bilish o’z sheriklari va raqiblari joylashishini kuzatish, to’p tezligi va kuchini aniqlay bilish mahoratini talab etadi. To’p tomon siljib, o’yinchi uz harakat zonasi, jamoasi taktikasi va himoya bo’yicha sheriklarini imkoniyatlarini aniq
tasavvur qila bilishi lozim.
O’yinga kiritilgan to’pni qabul qilib olish o’yindagi eng ma’suliyatli jarayondir, chunki har qanday xato ochko yo’qotilishiga olib keladi. Shu bilan bir vaqtda qabul qilishning sifatligi jamoani samarli hujumiga sabab ham bo’lishi mumkin. Shuning uchun qabul qiluvchi to’p yo’nalishi, kuchini aniqlay bilishi, to’g’ri joy tanlashi lozim. Shu bilan birga u o’z harakatlari bilan jamoadoshlariga xalal bermasligi lozim.
Hujumkor zarbalarni qabul qilish himoyachidan chaqqonlik va yaxshi moslashuvchanlikni talab qiluvchi qiyin usuldir. Himoyachi buning raqib hujumi chog’ida uning harakatlarini kuzata turishi lozim. Zarbani qabul qilish usuli va joyini tanlay turib, himoyachi vazifasini hisobga olishi lozim. Tanlangan joy himoyachiga to’p va raqib hujumchisi harakatlarini kuzatish imkonini berishi lozim. Asosiy vazifadan tashqari himoyachi zarbani yaxshi qabuld qilib olgan chorda to’pni uz hujumchilariga uzatish kerakligini uno’tmasligi lozim. Bittalik to’siq himoyaning muhim vaziyati.
O’yin oldidan birinchi hakam birinchi partiyada qaysi bir jamoaga birinchi to’p kiritish yoki maydoncha tomonini aniqlash bo’yicha qur’a tashlaydi.
Agar so’nggi xal qiluvchi partiya bo’lsa, qur’a qayta tashlanadi. Qur’a tashlash bo’yicha g’olib bo’lgan sardor uz ixtiyoriga ko’ra to’p kiritish to’pni qabul qilish yoki maydoncha tomonini tanlash huquqiga ega.
Agar jamoalar uchun oldindan o’zga maydonchada mashq qilish imkoniyati yaratilgan bo’lsa unda to’rdan oshirib mashq qilish vaqti uch daqiqa muddatga beriladi. Aks holda ushbu mashq uchun 5 daqiqa beriladi. Agar ikki jamoa sardorlari kelishgan holda to’rdan to’p oshirish mashqlarini o’tkazmoqchi bo’lsa, unda jamoalarda 6 yoki 10 daqiqa berilishi mumkin. O’yinda har bir jamoadan faqat 6 ta o’yinchi ishtirok etadi. Jamoaning dastlabki joylashishi o’yinchilarning almashish tartibini belgilaydi. Ushbu tartib butun partiya davomida saqlanishi lozim.
Har bir partiya olidan murabbiy o’yinchilarning maydonchada joylashish tartibini kartochkaga yozib va imzo qo’yib, ikkinchi hakamga yoki kotib hakamga
taqdim etishi lozim. Dastlabki joylashishda o’rin olmagan o’yinchilar, shu
partiyaning zaxirasidagi o’yinchilari hisoblanadi. Joylashish kartochkasi taqdim etilgandan so’ng ushbu kartochkaga o’zgartirish kiritish mumkin emas. Lekin o’yinchi rasmiy almashtirilishi mumkin.
Agar kartochkada qayd etilgan o’yinchilar o’rniga boshqa o’yinchi kirib kelsa, joylashish kartochkada qayd etilganidek tugirlab qo’yilishi lozim. Buning uchun jazo qo’llanilmaydi.