MicPowerSi 2- mavzu. Axborot texnologiyalarining inlratuzilmasi reja

Infratuzilma - xizmat sifatida (IaaS- Infrastructure as a Service).
IaaS foydalanuvchiga har xil hisoblash infratuzilmasini xususan, virtual serverlar, virtual mashinalar (VM), saqlash va zaxira ob'ektlari, tarmoq komponentlari, operatsion tizimlar, ma’lumotlar bazasini boshqarish tizimlari va boshqa turdagi dasturiy ta'minotlarni taklif qilishi mumkin. Foydalanuvchi ushbu bulut infratuzilmasidagi har qanday dasturiy ta'minotni sozlashi va unda ish olib borishi uchun uzoq joyda joylashgan apparat infratuzilmasidan foydalanishi mumkin. To‘g‘ridan-to‘g‘ri uskunalarni sotib olish o‘rniga, foydalanuvchilar IaaS-ni sotib olishlari va elektr energiyasi yoki gaz uchun to‘lovni to‘lashga o‘xshash resurs sarfini to‘lashlari mumkin. Shu bilan dasturiy ta'minot, apparat va boshqa infratuzilmalarning narxini hamda sozlash, texnik xizmat ko'rsatish va xavfsizlikni ta'minlash xarajatlarini tejashadi.
Hozirgi IaaS bozorining yetakchilari Amazon EC2, Google Compute Engine, IBM Smart Cloud, IBM Cloud va Cisco Metapod.

Platforma - xizmat sifatida ( PaaS- Platform as a Service).
PaaS foydalanuvchiga operatsion tizim, ma’lumotlar bazasini boshqarish tizimi va turli dasturiy ta’minotlar o‘rnatilgan virtual serverlarni taqdim etadi. PaaS ishlab chiquvchiga har qanday dasturlash tilidan foydalanish erkinligini, dasturlarni tezkor va tejamkor ravishda ishlab chiqish, sinash va joylashtirish uchun platforma yoki muhitdan foydalanish imkoniyatini beradi. Masalan, dinamik veb sayt yaratish uchun o‘zida veb texnologiya hamda ma’lumotlar bazasini boshqarish tizimini jamlagan veb-serverni o‘rnatish hamda sozlash talab qilinadi. PaaS-da foydalanuvchiga tayyor o'rnatilgan dastur taqdim etiladi, u esa ushbu dastur va uning konfiguratsiyasi ustidan to'liq nazoratni amalga oshirishi mumkin. Bu dasturchilarni asosiy apparat va dasturiy ta'minotni sotib olish va o‘rnatishdan xalos etadi.
PaaS ning eng mashhur namunalari Amazon Web Services (AWS), Google App Engine, Microsoft Azure, Heroku, OpenShift, Jelastic, Apache Stratos.