Mexanika mashinasozlik fakulteti texnologik mashinalar va jihozlar kafedrasi

1.6KONVEKTIV QURITKICHLAR.

Sanoatda konvektiv usul bilan ishlaydigan quritish apparatlari keng tarqalgan. Bunday apparatlarda quritish jarayoni nam material bilan qurituvchi agentning toʼgʼridan-toʼgʼri kontakti orqali boradi. Ximiya, oziq-ovqat va boshqa sanoat tarmoqlarida kamerali, tunnelli, lentali, sirtmoqli, barabanli, mavhum qaynash qatlamli, sochib beruvchi, pnevmatik va boshqa konvektiv quritkichlar ishlatiladi.

Tunnelli quritkichlar. Bunday tipdagi quritkichlar toʼgʼri burchak kesimiga ega boʼlgan uzun kameradan iborat boʼladi (11-rasm). Kamera ichida vagonetkalarning syokin harakatlanishi uchun temir yoʼl izlari oʼrnatilgan. Koridorga kiruvchi va undan chiqadigan eshiklar zich yopiladi. Vagonetkalarning ichiga nam material joylashtiriladi. Qurituvchi agent (havo) kaloriferlardan beriladi. Havo oqimi ventilyatorlar yordamida nam

Tunelli quritgich. 1-kamera, 2-vagonlar, 3- ventilyator, 4-kalorifer.

materialga nisbatan toʼgʼri yoki qarama-qarshi yoʼnalishda harakatga keltiriladi. Vagonetkalar esa mexanik chigʼirlar yordamida harakatlanadi.

Tunnelli quritkichlarda qurituvchi agent qisman retsirkulyatsiya qilinadi. Bunday apparatlar katta oʼlchamli donasimon materiallarni (masalan, keramik buyumlarni) quritish uchun ishlatiladi. Kamchiliklari: quritish tezligi kichik, jarayon uzoq vaqt davom etadi, quritish bir meʼyorda bormaydi, qoʼl kuchidan foydalaniladi.