Мевачилик ва сабзавотчилик

AChChIQ QALAMPIR NAVLARI

42-rasm. UChQUN O‘rtapishar nav, texnik pishguniga qadar o‘suv davri 140 kun. Tupi o‘rtacha, yig‘iq, poya uzunligi 60 sm. Bargi o‘rtacha, to‘q, yashil. Mevasi konussimon, dona-dona, yuqori tomonga qarab joylashgan, texnik yetilganda to‘q yashil, biologik yetilganda to‘q qizil, yuzasi silliq, biroz qabariqli, vaz­ni 28 g, uzunligi o‘rtacha 15,0 sm, eni 2,5 sm, ta’mi achchiq. Hosildorligi 27 t/ga.		43-rasm. MARG‘ILON 330 O‘rtapishar nav, biologik pishgunga qadar o‘suv davri 123- 125 kun. Tupi yarim yig‘iq, shtambli, o‘rtacha barglanuvchan, o‘rta bo‘yli. Mevasi konussimon, dona-dona, yuqori to­monga qarab joylashgan, o‘rtacha xajmda, yuzasi biroz notekis, texnik yetilganda yashil, biologik yetilganda qizil, eti qalinligi 1,2-2,0 mm, ta’mi achchiq. Bir-tupdan 20-30 ta meva olinadi Hosildorligi 14-18 t/ga
44-rasm. SAID O‘rtapishar nav, o‘suv davri 115-122 kun. Tup balandligi 60- 65 sm. Mevasi konussimon uzunchoq, vazni 35-40 g, ta’mi yarim achchiq. Hosildorligi 22-26t/ga		45-rasm. TILLARANG O‘rtapishar nav, biologik pishgunga qadar o‘suv dav­ri 140 kun. Gupi o‘rtacha, yig‘iq, poya uzunligi 60 sm. Bargi o‘rtacha, to‘q yashil. Mevasi konussimon, dona-dona, yuqori tomonga qarab joylashgan, texnik yetilganda sarg‘ish- yashil, biologik yetilganda qizil, yuzasi sillq, vaz­ni 26 g, uzunligi o‘rtacha 14,5 sm, eni 2,0 sm, ta’mi achchiq. Hosildorligi 25 t/ga.

Baqlajonni ahamiyati. Baqlajon mevasi tarkibida oziq-moddalar va vitaminlar ko‘p emas. Mevasining biokimyoviy tarkibi 6-11% quruq moddalar, 2,5-4% shakar, 6-1,4% oqsil va 0,2-0,4% moylardan iborat. Uning tarkibidagi vitamin «S» miqdori 7mg% atrofida o‘zgarib turadi.
Baqlajon pishmagan barra mevalari mazaliligi uchun oziq-ovqatga ishlatiladi va konserva sanoatiga xom-ashyo hisoblanadi. Pishgan urug‘i qotgan mevalarida solanin M, ya’ni melongen deb atalanuvchi taxir modda alkoloid to‘planib, uni iste’molga yaroqsiz qilib qo‘yadi.