Мевачилик ва сабзавотчилик

Kasallik va zararkunandalari hamda ularga qarshi kurashish. Bodring un shudring, o‘rgimchakkana, oq pashsha va bitlardan kuchli zararlanadi. Bularga qarshi oltingugurtli preparatlar (ISO 0,75-1⁰ darajali eritmasi, oltingugurt kukuni gektariga 10-12 kg, 25% li applaud (0,5 l) 10% li danitol (2 l), 5% li sumi-alg’fa (0,5 l), tilt va topaz-100 (0,3-0,5 l), 40% li kroneton (0,6-1,0 kg), tsimbush (0,3 l) qo‘llash samaralidir.
Yig’ish. Bodring unib chiqqanning ellik-oltmishinchi kuni birinchi marta; so‘ngra har 3-5 kunda, hatto 1-2 kunda ham, jami 15-20 martagacha terib olinadi.
Etilgan barra bodring mevalari vaqtida terilmasa, tovar sifati yo‘qoladi va yangi mevalarning hosil bo‘lishi hamda ularning kattalashi kechikadi.
Kabachka va patissonning ham bodringga o‘xshash yetilmagan barra mevalari istehmolga ishlatiladi. SHuning uchun ularning ortiqcha kattalashishiga yo‘l qo‘ymaslik uchun har kuni yoki kunora teriladi. Kabachka mevalari 7-10, patisson mevalari 3-4 kunligida, qayta ishlash (ikra) uchun kechroq, yahni ularning diametri 10-12 sm bo‘lganda po‘sti qotmasdan terib olinadi.
Etilgan barra mevalarni terishda ularni palagi bilan qo‘shib uzmasdan, bosh barmoq bilan bandiga salgina bosib, uzib olinadi. Hosilni terish bilan birga, kasallangan va pishib sarg’ayib ketgan mevalar ham yig’ib olinadi. Ularning palakda qolishi o‘simlikning o‘sishi va yangi meva tugishini kechiktiradi, hamda hosildorlikka jiddiy zarar keltiradi.
Respublikamiz xo‘jaliklarida bodring o‘rtacha hosildorligi gektaridan 100-120, patisson va kabachkaniki esa 60-120 tsentnerni. Ilg’or xo‘jaliklarda esa 250-300 tsentner va ziyodni tashkil etmoqda.

Nazorat savollari:

1. 
   Bodringni o‘sishi va rivojlanishi uchun eng qulay xarorat qanday?
   
2. 
   Bodringni qanday sxemada ekiladi?
   
3. 
   Bodringda qanday vitaminlar bor?
   
4. 
   Bodringni qanday navlari bor?
   

Ildizmevali sabzavotlar biologiyasi va yetishtirish texnologiyasi
Reja:

1. Ildizmevali sabzavotlar axamiyati, tarqalish tarixi.

2. Ildizmevali sabzavotlarning biologik asoslari va tumanlashtirilgan navlari.
3. Ildizmevali sabzavotlarni etishtirish texnologiyasi.