Мева-сабзавотларни етиштириш, қайта ишлаш ва сотишнинг маркетинг стратегиясини ишлаб чиқиш 1

маркетинг стратегиясини ишлаб чиқиш»
 
316 
даражаларини оқилона уйғунлаштириш, мамлакат аҳолисини озиқ-овқат 
маҳсулотлари билан таъминлашнинг кафолатланган имкониятларини яратиш, бу 
борада халқаро ҳамкорлик алоқаларини ўрнатишга қодирлиги муҳим ҳисобланади. 
Бундан ташқари бу сиёсат даврий равишда янгиланиб турадиган озиқ-овқат 
захирасини яратишга ҳам қаратилган бўлади[2]. 
Биринчи Президентимиз таъкидлаганларидек, 2020 йилгача пахта хом 
ашёсини етиштириш ва уни давлат томонидан харид қилиш ҳажмини 3 миллион 
350 минг тоннадан 3 миллион тоннага босқичма-босқич қисқартириш 
мўлжалланган. Натижада 170 минг 500 гектар суғориладиган ер пахтадан бўшайди. 
Ана шу пахтадан бўшаган экин майдонларида, аввало, сабзавот ва картошка, шулар 
қаторида озуқа экинлари, ёғ-мой олинадиган ва бошқа ўсимликлар экилади, боғ ва 
узумзорлар барпо этилади.
Экин 
майдонларининг 
оптималлаштирилиши 
ва 
замонавий 
агротехнологияларнинг жорий этилиши натижасида 2020 йилда бошоқли дон 
етиштиришни 16,4 фоизга ошириб, унинг ҳажмини 8 миллион 500 минг тоннага 
етказиш, картошка етиштиришни 35 фоизга, сабзавотни 30 фоиз, мева ва узумни 
21,5 фоиз, гўшт етиштиришни 26,2 фоиз, сутни 47,3 фоиз, тухумни 74,5 фоизга 
кўпайтириш, балиқ етиштиришни 2,5 мартага ошириш кўзда тутилмоқда[3]. 
Хулоса қилиб айтиш мумкинки, дунё бўйича озиқ-овқат хавфсизлиги тобора 
муҳим аҳамият касб этаётган бугунги кунда мамлакатимиз аҳолисининг озиқ-овқат 
хавфсизлигини таъминлаш учун зарур шарт-шароитлар яратилиб, аниқ мақсадли 
чора тадбирлар амалга оширилмоқда. Шундай экан мамлакатда озиқ-овқат 
маҳсулотларини қайта ишлаш корхоналарини хом ашё ресурслари билан мунтазам 
таъминлаш, ички истеъмол бозорини йил давомида истеъмол маҳсулотлари билан 
барқарор тўлдириш, ҳозирда юқори технологияларга асосланган маҳсулотларни 
сақлаш омборлари ва қайта ишлаш технологиялари ташкил этиш, шунингдек, 
ташқи бозорларга рақобатбардош бўлган ҳўл мева ва қайта ишланган мева-сабзавот 
маҳсулотларини экспорт қилиш ҳажмини кўпайтириш ва турларини кенгайтириш 
бугунги куннинг устивор вазифаларидан биридир. Бундан кўзланган мақсад 
мамлакат иқтисодиётининг етакчи тармоқларидан бири бўлган қишлоқ хўжалигини 
барқарор ривожлантириш, экспорт салоҳиятини ошириш ва мамлакат озиқ-овқат 
хавфсизлигини таъминлашдан иборатдир.