Meva – sabzavot maxsulotlarni saqlash texnologiyasi

2. Qishloq xo’jaligi mahsulotlarini saqlash tarixidan qisqacha ma’lumotlar.
Yetishtirilgan qishloq xo’jaligi mahsulotlarini nes-nobud qilmasdan hamda uning sifatini pasaytirmasdan saqlash, undan unumli foydalanish qadimdan inson ehtiyojlaridan biri bo’lib kelgan. Ayniqsa xalqlar o’troq bo’lib yashagan paytda, ortiqcha mahsulotlarni saqlash to’g’risida o’ylay boshlaganlar.

Mamlakatimizning turliy hududlarida olib borilgan arxeologik qazilmalar qishloq xo’jaligi mahsulotlarini saqlash quldorlik tuzumi davridayoq amalga oshirilganligi haqida dalolat beradi, ko’za va boshqa xil idishlarni topib olish unga dalolatdir.

Qishloq xo’jaligi mahsulotlarini saqlash va qayta ishlash bo’yicha O’rta Osiyoda 9-12 asrlarda bir qator asarlar paydo bo’lgan. Ibn Al Xaysam(965-1035), Ibn Xatib ar Roziy(1149-1209), Ibn Rashta(12-asr), Xazrad Mashxadiy Sayid Muhammad(12-asr) kabilarning asarlarida qishloq ho’jalik mahsulotlarini qayta ishlash haqida ma’lumotlar berilgan. Ularning asarlarida qishloq xo’jaligi mahsulotlarini saqlash masalasi bayon etilgan.

Hozirgi vaqtda fan-texnikaning jadal rivojlanishi barcha qishloq ho’jalik mahsulotlarini saqlash va qayta ishlash kompleksini yaratishga keng imkon beradi.

O’zbekiston respublikasida, ayniqsa Toshkent va Samarqand shahar va viloyatlarida yirik muzxonalar tashkil etilib, ularda respublikada yetishtiriladigan qishloq xo’jaligi mahsulotlarini 50% saqlanadi. Undan tashqari ayrim shirkat ho’jaliklari ham mahsulotlarni saqlash maqsadida muzxonalar tashkil etganlar