Metrologiya xizmatlarini tibbiy uskunalar va apparaturalarning metrologik normalar va standartlarga muvofiqligi to‘g‘risida xulosalar berish huquqini akkreditatsiyadan o‘tkazish

Mazkur buyruq O‘zbekiston standartlashtirish, metrologiya va sertifikatlashtirish agentligi bosh direktorining 2014-yil 19-iyundagi 251-sonli “Metrologiya xizmatlarini tibbiy uskunalar va apparaturalarning metrologik normalar va standartlarga muvofiqligi to‘g‘risida xulosalar berish huquqini akkreditatsiyadan o‘tkazish qoidalarini tasdiqlash haqida”gi buyruqni o‘z kuchini yo‘qotgan deb topish to‘g‘risida”gi buyrug‘iga (ro‘yxat raqami 1726-1, 07.07.2014-y.) asosan o‘z kuchini yo‘qotgan.

O‘zbekiston Respublikasi “Mahsulotlar va xizmatlarni sertifikalashtirish to‘g‘risida”gi, “Metrologiya to‘g‘risida”gi qonunlariga, O‘zbekiston Respublikasi Vazirlar Mahkamasining 2004-yil 5-avgustdagi 373-sonli “O‘zbekiston davlat standartlashtirish, metrologiya va sertifikatlashtirish agentligi tuzilmasini takomillashtirish va uning faoliyatini tashkil etish to‘g‘risida”gi qarori bilan tasdiqlangan O‘zbekiston standartlashtirish, metrologiya va sertifikatlashtirish agentligi to‘g‘risidagi nizomiga va O‘zbekiston Respublikasi Vazirlar Mahkamasining 2007-yil 18-maydagi 104 sonli “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish to‘g‘risida”gi qaroriga asosan buyuraman:

1. Metrologiya xizmatlarini tibbiy uskunalar va apparaturalarning metrologik normalar va standartlarga muvofiqligi to‘g‘risida xulosalar berish huquqini akkreditatsiyadan o‘tkazish qoidalari ilovaga muvofiq tasdiqlansin.

2. Mazkur buyruq O‘zbekiston Respublikasi Adliya vazirligida davlat ro‘yxatidan o‘tkazilgan kundan boshlab o‘n kun o‘tgandan keyin kuchga kiritilsin.