Metrologiya xizmatlarini tibbiy uskunalar va apparaturalarning metrologik normalar va standartlarga muvofiqligi to‘g‘risida xulosalar berish huquqini akkreditatsiyadan o‘tkazish

II. Akkreditatsiyadan o‘tkazish tartibi

6. Metrologiya xizmatlarini akkreditatsiyadan o‘tkazish quyidagi bosqichlarni o‘z ichiga oladi:

a) akkreditatsiyadan o‘tkazish uchun ariza berish, arizani oldindan ko‘rib chiqish va u bo‘yicha qaror qabul qilish, akkreditatsiyadan o‘tkazuvchi organ bilan ekspertiza o‘tkazish to‘g‘risida shartnoma tuzish, ariza beruvchi tomonidan ekspertiza o‘tkazish uchun to‘lovlarni amalga oshirish;

b) ekspertiza dalolatnomasini rasmiylashtirish bilan birga hujjatlar to‘plamini ekspertiza qilish, baholashga tayyorlash va uni o‘tkazish to‘g‘risida shartnoma tuzish, akkreditatsiyadan o‘tkazish to‘g‘risidagi qaror loyihasini tayyorlash, baholash o‘tkazilishi uchun arizachi tomonidan to‘lovning amalga oshirilishi;

v) akkreditatsiya obyektini baholashga tayyorlash (komissiya tayinlash, buyruq chiqarish, obyektni joyida baholash dasturini ishlab chiqish);

g) dalolatnoma rasmiylashtirilishi bilan birga arizachini joyida baholash;

d) hujjatlar ekspertizasi natijasi, joyida baholash natijalarini, arizachi tomonidan kamchiliklarning bartaraf etilishi samaradorligini tahlil etish, qaror loyihasini tayyorlash;

e) ekspertiza va baholash hujjatlarini Kengashda ko‘rib chiqish, shuningdek akkreditatsiyadan o‘tkazish yoki akkreditatsiyadan o‘tkazishni rad etish haqidagi qarorni qabul qilish;

j) akkreditatsiya qilinganligi to‘g‘risida guvohnomani rasmiylashtirish, qayd etish va taqdim etish va arizachi tomonidan to‘lovlarni amalga oshirish.

Akkreditatsiyadan o‘tkazishning har bir bosqichi oldingi bosqichning ijobiy natijalari bo‘yicha amalga oshiriladi.

7. Akkreditatsiyadan o‘tkazish uchun to‘lovlar Xizmatlarga to‘lovlarni amalga oshirish tartibiga (1999-yil 28-aprel, ro‘yxat raqami 722) muvofiq amalga oshiriladi.

8. Akkreditatsiyadan o‘tkazish bo‘yicha to‘lovlar arizachi tomonidan har bir bosqich uchun alohida amalga oshiriladi.

Arizachi tuzilgan shartnomaga ko‘ra akkreditatsiyadan o‘tkazish ishlari bilan bog‘liq barcha to‘lovlarni ularning natijalaridan qat’i nazar, to‘lashi shart.

9. Tibbiy uskunalar va apparaturalarning Milliy akkreditatsiyadan o‘tkazish tizimining doirasida metrologiya normalari va standartlariga muvofiqligini baholash sohasidagi o‘zining layoqatini tan olinishi istagini bildiruvchi akkreditatsiya arizachisi akkreditatsiyadan o‘tkazuvchi organ mazkur Qoidalarning 1-ilovasiga muvofiq ariza va akkreditatsiya mezonlarining bajarilganligini tasdiqlovchi hujjatlarni yo‘llaydi.

10. Metrologiya xizmatini akkreditatsiyadan o‘tkazish to‘g‘risida berilgan arizaga quyidagi hujjatlar ilova qilinadi:

a) ta’sis hujjatlari nusxalari;

b) akkreditatsiya sohasining loyihasi;

v) tibbiy uskunalar va apparaturalarning metrologik normalar va standartlarga muvofiqligini baholash va tasdiqlash bo‘yicha metrologiya xizmati nizomi loyihasi;

g) tibbiy uskunalar va apparaturalarni baholash va ularni metrologik normalar va standartlarga muvofiqligi bo‘yicha xulosalar berish tartibi;

d) metrologiya xizmati mutaxassislarining metrologik tayyorgarligi ko‘rsatib o‘tilgan ro‘yxati;

e) baholanuvchi uskunalar va apparaturalarning metrologik xossalarini belgilash uchun akkreditatsiya sohasining loyihasida ko‘rsatilgan muvofiqlik baholash obyektlarining normativ hujjatlari ro‘yxati.

Baholanuvchi uskunalar metrologik xossalarini belgilovchi normativ hujjatlari o‘zgarganda, akkreditatsiya qilingan metrologiya xizmatlari akkreditatsiyadan o‘tkazuvchi organga tegishli axborotni taqdim etadilar.

11. Akkreditatsiyadan o‘tkazish uchun taqdim etilgan ariza va hujjatlarni o‘rganib chiqish natijasi bo‘yicha, ariza qayd qilingan kundan boshlab uch kun ichida akkreditatsiya ishlarini olib borish to‘g‘risida yozma ravishda qaror qabul qilinadi.

12. Akkreditatsiyadan o‘tkazuvchi organ ariza bo‘yicha qaror qabul qilib ekspertiza o‘tkazilishini ta’minlaydi. Ekspertiza akkreditatsiyadan o‘tkazuvchi organ tomonidan ekspertiza uchun to‘lovlar amalga oshirilgandan so‘ng o‘tkaziladi. Akkreditatsiyadan o‘tkazish ishlariga (hujjatlar ekspertizasi, metrologiya xizmatini tekshirish va h. k.) akkreditatsiyadan o‘tkazuvchi organ shtatiga kirmaydigan ekspert-auditorlar, maslahatchilar va mutaxassislar jalb etilgan holda, ularga to‘lovlar fuqarolik-huquqiy tusdagi shartnomalar asosida amalga oshiriladi.

13. Hujjatlar ekspertizasi ariza bo‘yicha qaror qabul qilingan kundan boshlab bir oydan oshmagan muddat ichida amalga oshiriladi. Ekspertiza natijasi sifat bo‘yicha ekspert-auditor tomonidan berilgan xulosa bilan rasmiylashtiriladi.

14. Ekspertiza natijalari salbiy bo‘lganda akkreditatsiyadan o‘tkazuvchi organ akkreditatsiya mezonlariga nomuvofiqligi sababli uni akkreditatsiyadan o‘tkazish rad etilganligi haqida arizachini xabardor qiladi va aniqlangan kamchiliklarni bartaraf etish uchun muddat beriladi. Ushbu muddat 30 kundan oshmasligi lozim.

15. Akkreditatsiyadan o‘tkazish rad etilganligi to‘g‘risidagi xabarnoma arizachiga rad etilish sabablari va kamchiliklar bartaraf etilib, hujjatlar qayta taqdim etilishi mumkin bo‘lgan muddat ko‘rsatilgan holda yozma ravishda yuboriladi (taqdim etiladi).

16. Arizachi tomonidan akkreditatsiyadan o‘tkazish rad etilishi uchun asos bo‘lib xizmat qiluvchi sabablar bartaraf etilganda, hujjatlarning qayta ko‘rilishi arizachining arizasi bilan birgalikda barcha zarur hujjatlar olinganidan so‘ng o‘n kundan ko‘p bo‘lmagan muddatda amalga oshiriladi.

Arizani qayta ko‘rish uchun to‘lovlar undirilmaydi. Akkreditatsiyadan o‘tkazishni rad etish to‘g‘risidagi xabarnomada ko‘rsatilgan muddat o‘tganidan so‘ng taqdim etilgan ariza yangi taqdim etilgan ariza bo‘lib hisoblanadi.

17. Ekspertizaning ijobiy natijalari bo‘yicha akkreditatsiyadan o‘tkazuvchi organ akkreditatsiya obyektini joyida baholash uchun komissiya tuzadi. Komissiya akkreditatsiyadan o‘tkazuvchi organ rahbarining komissiya tarkibi, joyida baholashni o‘tkazish maqsadi, sanasi va muddati ko‘rsatilgan buyrug‘i bilan tayinlanadi.

Komissiya raisi sifat bo‘yicha ekspert-auditor darajasiga akkreditatsiya qilingan bo‘lishi lozim.

Komissiya shakllantirilishida baholash obyektiv o‘tkazilishi uchun zarur bo‘lgan layoqat, bilim va malaka hisobga olinadi.

18. Zarur hollarda ekspert-auditorlar rahbarligida ishlashlari lozim bo‘lgan texnik ekspertlar jalb etilishi mumkin.

19. Baholash obyektlari va mezonlarini qamrab oluvchi baholash rejasi komissiya tomonidan ishlab chiqiladi va akkreditatsiyadan o‘tkazuvchi organ rahbari yoki bunga vakolatli bo‘lgan shaxs tomonidan tasdiqlanadi. Baholash buyrug‘i va rejasi baholash o‘tkazilishidan oldin arizachiga tanishib chiqish uchun taqdim etiladi.

20. Akkreditatsiya obyektini joyida baholashda obyektning amaldagi holati arizaga ilova qilingan hujjatlarga muvofiqligi va da’vo etilayotgan vazifalarni amalga oshirishga qodirligi tekshiriladi.

21. Komissiya akkreditatsiya obyektining akkreditatsiyaning belgilangan mezonlariga muvofiqligini baholash rejasiga muvofiq baholashni o‘tkazadi.

Baholash davomiyligi bir oydan oshmasligi lozim. Akkreditatsiya obyektini joyida baholash natijalari baholash dalolatnomasi (ma’lumotnomasi) bilan ushbu Qoidalarning 2-ilovasiga muvofiq rasmiylashtiriladi.

22. Dalolatnoma komissiyaning barcha a’zolari tomonidan imzolanadi. Komissiyaning biror-bir a’zosi komissiya xulosasi bilan rozi bo‘lmagan holda, u baholash dalolatnomasiga ilova qilinadigan yozma e’tirozini bildirishi mumkin.

23. Akkreditatsiyadan o‘tkazuvchi organ arizachi tomonidan taqdim etilgan barcha ma’lumotlarni tekshirib bo‘lganidan so‘ng, hujjatlar ekspertizasi natijalari, baholash dalolatnomasi, dalolatnoma bo‘yicha xulosa va e’tirozlar, arizachining taqdim qilingan fikrlarini tahlil etadi va Kengashda ko‘rib chiqilishi uchun kiritadi.

24. Kengash 15 kundan ko‘p bo‘lmagan muddatda arizachi tomonidan taqdim etilgan hujjatlarni ko‘rib chiqadi va akkreditatsiyadan o‘tkazish yoki akkreditatsiyadan o‘tkazishni rad etish to‘g‘risida qaror qabul qiladi.

25. Akkreditatsiyadan o‘tkazish rad etilgan holda Kengash tomonidan akkreditatsiya obyektiga aniqlangan kamchiliklar va akkreditatsiya talablariga nomuvofiqliklarni bartaraf etish uchun bir oylik muddat beriladi.

26. Qayta baholashda ham kamchiliklar va akkreditatsiya talablariga nomuvofiqliklar aniqlansa, Kengash akkreditatsiyadan o‘tkazishni rad etish to‘g‘risida qaror qabul qiladi.

27. Akkreditatsiyadan o‘tkazish muddati akkreditatsiya obyektning tayyorligiga bog‘liq bo‘lib, akkreditatsiyadan o‘tkazish uchun ariza qayd etilgan kundan boshlab olti oydan oshmasligi kerak.