Методы очистки нефтяных фракций

Жараёнда ишлатиладиган катализаторлар

• Дастлабки босқичда саноатда риформинг жараёни самарадорлиги паст бўлган хром оксиди ва молибден оксиди иштирокида I МПа босимда ва 540-560 0С ҳароратда олиб борилган. Бу катализаторларда ароматик, углеводородлар асосан нафтенлардан ҳосил бўлар эди. Ҳарорат юқори ва босим паст бўлгани учун крекинг реакцияси содир бўлиб, катализаторларни сирти тезда кокс билан қопланар эди. Шунинг учун босимни 1,4 МПа га кўтарилади. Бунинг натижасида дегидрогенланиш реакциясини бориши секинлашди. Жараён иккита реакторда навбат билан 6-8 соатдан олиб борилар эди. Шу вақтда иккинчи реакторда каттализаторларни сиртига ўтирган кокс ёндирилар эди. Шу сабабли асосий тадқиқотлар юқори самарадорли катализаторларни излашга йўналтирилди.
• 1940 йилларда алюмоплатина катализатори ихтиро қилинди. Бу катализаторни иккита функцияли деймиз /бифункциональнўй/:
• 1/ катализаторда асоси/носитель/ - алюминий оксиди - Al2O3 ва алюмосиликатлар актив асос бўлиб уларда протон ва апротон кислота марказлари мавжуддир. Бу марказларда нафтен халкларини изомерланиши, парафинларни парчаланиши ва ҳосил бўлган кичик молекулали парафинлар ва олефинларни қисман изомерланиши /кейинчалик олефинларни тўйиниши/ содир бўлади.
• 2/ Асосни сиртига жуда майда заррачалар шаклида ўтирган платина гидрогенлаш-дегидрогенлаш реакцияларини бошқаради.

Ҳом ашёга НСl ёки HF қўшиб берилса катализаторни асосида содир бўладиган реакциялар кучаяди, парафинларнинг изомерланиши кўпаяди. Платинани миқдори 0,08% бўлса етарли ҳисобланади, аммо саноатдаги катализаторларда платинани миқдори 0,5-0,6% масс.га тенгдир. Ҳом ашёга қурилмада НСl ёки HF ни миқдори шунга тенгдир. Платформинг жараёни 480-5300С ва ҳажмий тезлиги 1,5 дан 4,0 ч- гача олиб борилади, бу босимни 3-4 МПа гача кўтаришга имконият берди. Натижада қурилмада бир неча ойгача узлуксиз ишлашга имконият бўлади /12 ой/. Енгил бензин фракцияларидан ароматик углеводородлар олишда босимни 1,5 -2 МПа гача камайтириш мумкин. Кейинги вақтларда, саноатда платина - рений катализаторлари қўлланилмоқда. Бу катализаторларда платина 0,4% масс ва шунча рений бор. Рений платина кристалларини йириклашиши йўл қўймайди. Натижада катализатор узоқ вақт мунтазам ишлайди, нархи арзонлашади. Жараён ҳарорати 470-5000 С ва босим 1,5-2,0 МПа гача пасайди.