«Mening qadrdon O’zbekistonim» mavzusidagi mashg`ulot ishlanma Qurish-yasash va matematika markazi: Mavzu: «Qurilish materiallaridan shaxar quramiz»

«Mening qadrdon O’zbekistonim»

mavzusidagi mashg`ulot ishlanma

Qurish-yasash va matematika markazi:

Mavzu: «Qurilish materiallaridan shaxar quramiz».

Maksad: Qurilish materiallari va turli kattalikdagi g`ishtchalardan mustaqil uylar qura oladi.

Kerakli jixozlar: kubiklar, geometrik shakllar, dekorativ o`simliklar, shaxar ko`rinishi tasvirlangan suratlar.

Faoliyatning borishi:

1. «Mening shahrim» mavzusidagi suratlarni kuzatish.

2. Shahar qurilishi rejasini tuzish.

3. Mustaqil qurish ishlarini amalga oshirish.

4. Do`sti bilan suhbatga kirishish.

5. Do`stining ishlarini tahlil etish va rag`batlantirish.

Qo`shimcha: Tarbiyachi qurilish ishlarini bezatishda mayda qo`shimchalar (o`yinchoqlar, mashinachalar, gulchalar)dan foydalanishni taklif etish.

Alohida e`tibor qaratiladi: Jamoada ishlash malakalari, shahar qo’rinishini tasavvurida aksiga.

Syujetli roli o`yinlar va drammalash markazi:

Mavzu: «Mexmonda».

Maqsad: O`zaro munosabat va muomalani malakalarini shakllanadi, mexmonga borish odobini biladi, mehmonlar orasida so’zlashish madaniyati shakllanadi. Lug`atiga «Mezbon» so’zi kiritiladi.

Kerakli jixozlar: mavzuga mos barcha o`yinchoklar, uy jixozlari, qo`g`irchoqlar, idish-tovoqlar, oshxona anjomlari.

Faoliyatning borishi:

1. 
   O`yin borishini rejalashtirish.
   
2. 
   Rollarni o`zaro taqsimlash.
   
3. 
   Mehmonga borish.
   
4. 
   Mezbon tomonidan mehmonni kutib olish.
   
5. 
   Dasturxon bezatish.
   
6. 
   O’zaro mehmonlar orasida suxbat.
   
7. 
   Turli taomlar tortish.
   
8. 
   Biron bir o’yin o’ynash yoki kitob tomosha qilish.
   
9. 
   Mehmonni kuzatish.
   
10. 
    Uyni tartibga keltirish.
    

Qo’shimcha: Qo’shni guruhga mehmonga chiqish.

Alohida e`tibor qaratiladi: Mehmonda o`zini tutish odobini bilishi, sexrli so`zlar» dan (iltimos, raxmat, kechirasiz) nutqida foydalana olishi, o’z fikrini ifoda eta olish malakasiga.

Til va nutq. markazi

Mavzu: «Ona Vatan» mavzusidagi rasmlar asosida suhbat.

Maqsad: O’z yashab turgan Vatani shahari, ko’chasi, mahallasi haqida ma`lumotga ega va nomlay oladi. Do’sti bilan hech qanday to’siqsiz muloqotga kirisha oladi. Nutqi rivojlanadi, rasmlarni bir-biridan farqlay oladi, o’z fikrini bayon eta oladi, rasmdagi voqeani tahlil qila oladi. Ko’rganlarini xotirasida qoldiradi va xotirasida qolganlarni so’zlay oladi.

Kerakli jixozlar: Mavzu asosida suratlar.

Faoliyatning borishi:

1. Rasmlarni tomosha qilish.

2. Rasmlarga qarab ularni bir-biridan farqlash.

3. Rasmdagi voqea-xodisani ongida taxlil qilish.

4. Do’sti bilan suhbatga kirishish.

5. «Ona Vatan» mavzusida egallagan bilimlarini so’zlash.

6. Do’stining fikrlarini tinglash.

7. Do’stining fikrlarini tahlil qilish

Qo’shimcha: Vatan to’g`risida she`r yod olish.

Alohida e`tibor qaratiladi: Rasmlarni taxlil qilinishiga, xikoyada voqea-xodisalarni ketma-ketligini to’g`ri tuzilganligiga.

Fan va tabiat markazi.

Mavzu: Suv va qum xususiyatlari bilan tanishish.

Maqsad: Suv va qum nima ekanligini biladi, nam qumning xususiyatlari va undan foydalanishni biladi. Suv bilan tajriba o’tkaza oladi, suv xususiyatlarini biladi. Suyuq, quyiq, yumshoq, qattiq jixatlarni ajrata oladi.

Kerakli jixozlar: suv, qum, sham va gugurt, mavzu asosida rasmlar, yong`in vaqtida uni barataraf etishdagi suv va qumning vazifasi tasvirlangan rasmlar.

Faoliyatning borishi:

1. 
   Namunalar orqali mavzu xaqida tushuncha hosil qilish.
   
2. 
   Yong`in paytida suv va qumdan foydalanish to’g`risida tushunchaga ega bo’lish.
   
3. 
   Suvning qo’l bilan ushlab bo’lmasligi, uni suyuq ekanligini aniqlash.
   
4. 
   Ushlab ko’rish orqali qumning qul bilan ushlab bo’lishi va u quruq, nam xamda quyiq ekanligini his qilish.
   
5. 
   Suvga oz miqdorda qum solish
   
6. 
   Qumning chukib ketishini va nima uchun cho’kib ketganligini taxlil qilish.
   
7. 
   O’z fikrlarini bayon etish.
   

Qo’shimcha: Tarbiyachi bilan birgalikda: shamni yondirish va uni suv hamda qum yordamida o’chirish mumkinligini tajribada sinab ko’rish.

Alohida etibor qaratiladi: Suv va qumning xususiyatlarini bilishiga, extiyot choralarini ko’rishiga olov bilan o’ynamasliklariga.