Mening orzuyimdagi o’qituvchi

Mening orzuyimdagi o’qituvchi

PP 302 guruh talabasi Umarova Mavluda Taxirovna

Zamonaviy o'qituvchining kasbiy mahorati, dars jarayonida interfaol usullardan foydalanish.

•  bilim- o’quv jarayonida o’quvchiga beradigan axborot;
• ko’nikma- shu ma’lumotlardan samarali foydalana olish;
• malaka- olingan axborotlarni tanish yoki notanish amaliyotga tatbiq etish;
• kompetensiya- bilim, ko’nikma va malakalarni kundalik hayotda qo’llay olish layoqati.

Zamonaviy pedagog qiyofasi deganda uning tashqi va ichki ko‘rinishi nazarda tutiladi.

O‘qituvchining tashqi ko‘rinishi “pedagogning imiji”ga albatta mos bo‘lishi lozim. Shuningdek, o‘qituvchining qiyofasi uning chehrasida va kiyinishida namoyon boladi. O‘qituvchi har qanday kiyimda yurishi mumkin emas. U toza va ozoda, bejirim va latofatli kiyinishi kerak.

Bolalar o‘qituvchisini, birinchi navbatda, chiroyli kiyingani, nafis pardoziga qarab ham yaxshi ko‘radi.

• Shu sababli o‘qituvchi o‘z ustida tinimsiz va muttasil ishlashi, o‘zini isloh etib borishi, bilimi va xulqini doimiy takomillashtirib borishi zarur. Buning uchun esa mamlakatimizda o‘qituvchilarga yetarlicha shart-sharoitlar yaratilmoqda. Zero, Prezidentimizning “O‘zbekistonda bugundan boshlab, eng hurmatli, eng e’zozli inson — bu muallim!” yoki “O‘qituv­chini hurmat qilmaganni men ham hurmat qilmayman!”, deb ta’kidlab turganligining o‘zi biz pedagoglarga katta kuch-quvvat bag‘ishlashi kerak, deb o‘ylayman.

 Pedagogdan juda ko‘p kasbiy va insoniylik xislatlari talab etiladi.

• Quitch - inson, ta'lim bilan shug'ullanadi, yosh avlodni tarbiyalovchi va tarbiyalovchi. Uning vazifasi shu tarzda ma'lumotlarni taqdim etishdir, tinglovchilar buni eslab qolishlari uchun, olingan bilimlardan hayotda foydalanishni tushunadi va o'rganadi.

Umumiy o`rta ta’lim maktablarida turli fanlardan dars berayotgan o`qituvchilar, aslida, millatning, xalqning dunyoqarashi shaklanishida yetakchi rolni o`ynaydilar. 

Zamonaviy talaba uchun kelajak o‘qituvchisining ideal qiyofasiga talablar

Zamonaviy o‘qituvchining shaxsiyati asosan uning bilimliligi va yuksak madaniyati bilan belgilanadi. Zamonaviy dunyoda erkin harakatlanishni istagan har bir kishi ko‘p narsalarni bilishi kerak. O‘qituvchi - bu vizual namuna, o‘zini tutishi kerak bo‘lgan o‘ziga xos standart egasi. O‘qituvchining ishini tahlil qilishda ajralmas sifat - o‘qituvchining mahorati birinchi o‘ringa chiqadi. Uning ko‘plab ta’riflari mavjud. Eng umumiy ma’noda, bu yuksak va doimiy takomillashib boradigan ta’lim va tarbiya san’ati.

• Mahorat - o‘qituvchining shaxsiy madaniyati, bilimi va dunyoqarashini pedagogik texnika va ilg‘or tajriba bilan birlashishiga asoslanadi. Mahoratni egallash uchun nazariyani bilish, o‘quv jarayonining samarali texnologiyalaridan foydalanishi, ularni aniq bir vaziyat uchun to‘g‘ri tanlashi, berilgan darajadagi va sifatdagi jarayonni loyihalashi, uni shunday tashkil qilish kerakki, hatto eng noqulay sharoitlarda ham kerakli darajaga erishib borishi lozimligida ifodalanadi.

Odamlar doimo o‘qituvchilarga alohida munosabatda bo‘lib, “ustoz” deya nisbat berib kelishgan. Xalq og‘zaki ijodida esa “Ustoz – otangdek ulug‘” kabi jumlalar ustozlar sha’nini ulug‘lab, ularga bo‘lgan hurmatni oshirib kelgan.

Zamonaviy talaba uchun kelajak o‘qituvchisining ideal qiyofasi bugun shakllanmoqda.

Bo‘lajak o‘qituvchini tarbiyalashda asosiy e’tibor psixologik-pedagogik fanlarga qaratilishi kerak, ehtimol bo‘lajak o‘qituvchida uning ijodiy asoslarini, intiluvchanlik va ijodkorlikni rivojlantirishga yordam beradigan bunday fanlarni joriy etish zarurdir.

Zamonaviy o‘qituvchiga qo‘yiladigan bir qator talablar haqida gapiradigan bo‘lsak, avvalo, Ustoz o‘zining shaxsiy xulq-atvori, hayotga munosabati bilan ma’naviy hayotning namunasini ko‘rsatishi, talabalarni insoniy fazilatlar, haqiqat va ezgulikning yuksak ideallari asosida tarbiyalashga majburdir.