Менга берилган материални ўзбек тилига таржимон қилганимда рус сўзларининг айримларини қуйидаги таржима қилиб ишлатганман

2.4 Raqamli televideniyening interfeyslari

Raqamli televizion signallarni uzatishda raqamli televideniye qurilmalarining bloklari va tizimlarida maxsus qurilmalar ishlatiladi va ular “Videotutashma” (“Видеостык”) deyiladi.

ITU – R ВТ 656 tavsiyasiga ko‘ra raqamli interfeysning ikki varianti ko‘zda tutilgan: parallel va ketma - ket videotutashma. Ularning har birida o‘z afzalligi va kamchiligi mavjud.
Parallel videotutashma signallarni qo'shimcha o‘zgartirmaydi, oddiy tuzilmaga (konstruksiyaga) ega, lekin bloklar orasida juda ko‘p ulanish liniyalaridan iborat va uzatish masofasi qisqa (2-3 metr). Ketma - ket videotutashma signallarni nisbatan uzoq masofaga uzatish uchun mo‘ljallangan, lekin murrakkab tuzilmaga ega bo‘lib, signallarni tizim oraliqlarida o‘zgartishlarni qo‘llash talab etiladi. Quyida ikkala interfeyslarni to‘liqroq ko‘rib chiqamiz.


2.4.1. Parallel videotutashma

Raqamli televizion signalni uzatishida parallel videotutashma standarti parallel 8 yoki 10 razryadli raqamli koddan foydalanishni ko‘zda tutadi va bu holat 2.16- rasmda keltirilgan. Buning uchun 8 yoki 10 signalli aloqa liniyasi va yana bitta qo'shimcha takt impulslarini uzatish liniyasi mavjud bo‘lishi kerak. Bloklarni o‘zaro ulash uchun ko‘p tolali standart ulagichli (vilka\rozetka) kabellar, D25 tipdagilar, ishlatiladi. Xalaqitbardoshlikni oshirish maqsadida bunday kabellarning ikkita simi bir biri bilan o‘ralgan holatda juftlanib, uzatish qurilmasining qarama qarshi chiqishlariga va qabul qilgich qurilmalarining differensial kirishlariga ulanadi. Gap shundaki, xilma xil qurilmalarning ta’sirida hosil bo‘luvchi tashqi shovqinlar juft simlarda signalga xalaqit beruvchi bir xil qiymatli va qutbli kuchlanishlarni hosil qiladilar, ya’ni sinfazali xalaqitlarni paydo qiladilar. Shuning uchun juft sim differensial kirishga ega bo‘lgan kuchaytirgichga ulansa, ya’ni chiqish signali kirish kuchlanishlari farqi bilan shakllanadigan kuchaytirgichga, bunda kuchaytirgich sinfazali xalaqitlarni sezmaydi. Bunday interfeysda foydali signallarni ajratish uchun juft simlardagi signallar qiymati qarama qarshi, ya’ni turli qutbli bo‘lishi kerak. Shu sabab uzatish qurilmasi chiqishlari ikki fazali bo‘lishi ta’minlanishi lozim. Bu usul bilan raqamli televizion signalni 1,5-2 metrdan ortiq masofaga uzatib bo‘lmaydi. Odatda bunday interfeyslar televizion qurilmaning bloklari orasida qo‘llaniladi.

Uzatilish va qabul qilish vaqtida takt impulslari frontlari haqidagi ma’lumotlarning ishonchliligini ta’minlash maqsadida har bir bitning o‘rtasida aniqlanishi lozim.