Менга берилган материални ўзбек тилига таржимон қилганимда рус сўзларининг айримларини қуйидаги таржима қилиб ишлатганман

Tuzilmaviy qoidalar asosida ma’lumotlarni shakllangan belgilar yoki simvollar orqali ifodalash kod deb ataladi. Kod belgilarining ketma - ketligi “kod so‘zlari” deyiladi.
Kvantlangan signalni “kod so‘zlari” (kodlar jamlamasi) bilan ifodalash mumkin.Bunday operatsiyalar kodlash deb ataladi. Har bir kod so‘zi bitta diskretlash intervaliga to‘g‘ri keladi. Tasvir va ovoz signallarini kodlashda ikkilik kod keng qo‘llaniladi.Agar kvantlangan signal N qiymatga ega bo‘lsa, har bir kod so‘zidagi ikkilik belgilar n ≥ log₂N bo‘lishi kerak.
Ikkilik kodda ifodalangan bir razryad yoki ikkita belgi (simvol) bit deb ataladi. Odatda kvantlash sathining qiymati 2 ning darajasiga teng butun son bilan, ya’ni N = 2ⁿ aniqlanadi. Diskretlash, kvantlash va kodlash odatda bir qurilma analog - raqam o‘zgartirgich (ARO‘) yordamida bajariladi va bu jarayon 2.6-rasmda ko‘rsatilgan.
Teskariga o‘zgartirish (aylantirish) raqam - analog o‘zgartirgichda amalga oshiriladi.
ARO‘ning tuzilishiga qarab raqamli ma’lumotlar ikkilik kodidagi n ‑ razryadli parallel yoki ketma-ket ko‘rinishda bo‘lishi mumkin. Parallel ARO‘da har bir kodning ikkilik razryadli alohida aloqa liniyasidan uzatiladi va bu bloklar orasidagi bog‘lanishni soddalashtirib, signal uzatishni osonlashtiradi, ammo juda ko‘p ulanish liniyalarini ta’lab etadi. Agar uzatish masofasi 1,5-2 metrdan oshsa, ketma-ket kodni shakllantiruvchi ARO‘dan foydalaniladi va u yerda bitta aloqa liniyasi orqali ma’lumot tashuvchi bitlar ketma-ket uzatiladi, ammo ma’lumotlar uzatish tezligi kod razryadiga mos ravishda oshadi. To‘rt razryadli parallel va ketma -ket kodlarning shakllanishi 2.6-rasmda keltirilgan.
Televideniyega raqamli tizimlarni kiritish bo‘yicha tadqiqotlar yigirmanchi asrning 30- yillaridan boshlangan va faqatgina XX asr oxirlariga kelib qo‘llanila boshlandi. Televizion signal spektrining yuqori chastotasi 6 MGsga teng bo‘lganligi sabab diskretlash chastotasi kamida F_takt =12 MGs bo‘lishi kerak edi. Bu esa o‘z navbatida raqamli signalni o‘zgartirish va uzatish qurilmalarining ishlash tezligiga qattiq talablar qo'yilishiga olib keladi. Turli davlatlarning raqamli televizion standartlarini muvofiqlashtirish maqsadida diskretlash chastotasi 13,5 MGs deb qabul qilingan. 130 dan 200 gacha bo‘lgan ko‘z ko‘rish yuqori darajasini (gradatsiyasini) ta’minlash uchun 8 razryadli kod qo‘llanilib, 256 yarim tonni uzatish ta’minlanadi. Bunda raqamli kompozit signal uzatish tezligi