Менга берилган материални ўзбек тилига таржимон қилганимда рус сўзларининг айримларини қуйидаги таржима қилиб ишлатганман

Shuni alohida ta’kidlab o‘tish joizki, DVB-T2 da qo'shimcha funksiyalar kiritilishi ham belgilanganlar, ularning ba’zilari hozirgi kunda ishlatilmasada, kelajakda ushbu tizim imkoniyatlaridan keng foydalish mumkin. Masalan: T2da ikkita qo'shimcha qurilma mavjud bo‘lib, ularni kelajakda kadrni kengaytirishda qo‘llash mumkin. Bunda T2 kadrining tuzilishi hali aniqlanmagan turdagi signallarga mo‘ljallangan mavjud bo‘lmagan turdagi kadrlarga signalizatsiyani kiritish imkoniyatini ko‘zda tutadi (7.14-rasm).



7.14-rasm. T2 kadrlar aro FEF maydonlarining kiritilishi

Ya’ni, bu FEF (Future Extension Frames- Kadrlarning Kelgusi Kengayishi) kadrlarning mazmuniy tarkibi hali aniqlanmagan. T2 ko‘rsatgichlariga mos signalizatsiyaning kiritilishi birinchi avlod resiverlari uchun FEF-fragmentlarni tanib olish va ularga e'tibor bermaslik imkonini yaratadi. Biroq hozirdan egallanmagan o‘rinlar uzatishning birinchi tizimlarini kelajakdagilari bilan teskari aloqasini ta’minlashi, ularda bu signalizatsiya tarkibi yangi ma’lumotlar haqidagi axborotni tashishini belgilaydi.

Shuningdek, T2da chastota-vaqt segmentatsiya ko‘zda tutilgan bo‘lib, ular kelgusida slotlarga (TFS - Time Frequency Slicing - chastota kesish vaqti) chastota-vaqt bo‘yicha bo‘lish uchun zarur. Garchi asosiy qabul qilishning xususiyati TFS dan foydalanmay qo‘llashni nazarda tutsada, signalizatsiyalarga kiritilgan belgilar, ular ikkita tyuner bilan jihozlangan bo‘lg‘usi resiverlarning TFS-signallari bilan ishlash imkonini beradi. Bunday signal bir necha radio chastota kanallarni egallaydi va har bir xizmatning turli fragmentlari umumiy holda turli chastotalarda uzatiladilar. Resiver kanaldan kanalga sakrab o‘tib, sozlanib, qabul qilinayotgan xizmatga tegishli ma’lumotlar fragmentlarini yig‘ib oladi. Bu bitta radio chastota kanaliga uchun ruxsat etilgandan ko‘ra kengroq paketlarni shakllantirish imkonini beradi, bu esa o‘z navbatida kanallar chastotalarini rejalashtirishdagi moslashuvchanligini va statik multipleksirlash hisobiga kanallar sonini yutish imkonini yaratadi.
Bunda T2 tizimining o‘tkazuvchanlik qobiliyati parametrlarning belgilangan butun ketma- ketligini tanlash bilan aniqlanadi. Bu maqsadda ko‘pgina opsiyalar ko‘rib chiqilgan va aniq konfiguratsiya bilan qabul qigichlar maxsus signalizatsiya yordamida xabardor qilinadi. Parametrlarni tanlash tizim ishi mukammallashtirishni ko‘zda tutadi, masalan, kanaldan kanalga o‘tish vaqti bilan xizmat axborotining qismining o‘zaro mutonosibligi yoki o‘tkazuvchanlik qobiliyati bilan xalaqitlarga chidamlilik orasidagi moslashuvni qidirish.
Shakllantiruvchi ko‘rsatgichlarning ko‘p bo‘lishi boshqa tizimlar bilan solishtirishni murakkablashtiradi. Masalan, T2ni DVB-T bilan solishtirsak, birinchi navbatda standart kanaldagi xuddi shunday signalni ta’minlovchi, biroq T2 da murakkab sharoitda qabulning katta xalaqitbardoshligini nazarda tutadigan parametrlar olinishi mumkin. Bunday variant DVB-Tga nisbatan T2 kanalining yuqori o‘tkazuvchanlik qobiliyatiga mos keladi. Biroq normal kanal uchun ko‘rsatkichlari pastroq variantni ham tanlash mumkin, ammo xuddi avvalgidek qabul qilish murakkab sharoitlaridagi kanallar uchun yuqorilari tanlanadi. Bunday sharoitda qabul qilish qobiliyati yana ham oshadi.
Gauss kanalidagi bir xil turdagi tizim nisbiy xarakteristikalari 7.1-jadvalda keltirilgan.

7.1-jadval

DVB-T va DVB-T2 tizimlarining ayrim qiyosiy xarakteristikalari

	DVB-T(ingliz varianti)	DVB-T2
Modulyatsiya	64QAM	256 QAM
FTO‘ o‘lchami	2K	32K
Himoya intervali	1/32	1/128
FEC	2/3CC+RC (8%)	3/5LDPC+BCH (0,3%)
Taqsimlangan TS	8%	1%
Turg‘un TS	2,6%	0,35%
Kadr sarlavhasi	1%	0,7%
Polosa	normal	kengaytirilgan
O‘tkazuvchanlik qobiliyati	24,1 Mbit/s	35,9 Mbit/s

Bu yerda: FTO‘ - Furye tez o‘zgartirishi; TS- tayanch-signal

Jadvaldan ko‘rinib turibdiki, DVB-T inglizcha variantiga nisbatan kutilayotgan o‘tkazuvchanlik qobiliyatining o'sishi 1,5 martani tashkil qiladi. Bu nazariy baholashning natijalari, ammo mavjud adabiyotlarda ushbu materiallarini ifodalashdagi tajribaviy natijalar keltirilmagan.
Shunday qilib, DVB-T2 yangi standartining asosiy holatini taxlil qilishda, standartga signallarni efirli uzatish xususiyatini nazarda tutuvchi yangi samarali texnologiyalar kiritilgan deb xulosa chiqarish mumkin. Bundan tashqari, kadrlarning xizmat-nazorat ustqurmalarini optimizatsiyalash imkonini beruvchi asosiy parametrlar safi kengaytirilgan. Bularning barchasi umumiy holda o‘tkazuvchanlik qobiliyatini sezilarli oshishiga va bir vaqtning o‘zida tizimning chidamliligini oshirishiga olib kelishi kutilmoqda. Ya’ni, yuqori aniqlikdagi teleuzatishlari uchun mukammal tarmoqni qurish imkoni mavjudligi ta’kidlanmoqda.