Menejmet va marketing

Sifatli tovar deganda uning mustaxkamligi, chidamliligi, iste’mol xususiyatlari, tashqi ko‘rinishi standartlashtirilganlik va takomillashtirilganlik darajasi, tayyorlanish texnologiyasi va boshqalarni o‘zida jam etgan tovar tushuniladi.

Maxsulot sifati mazkur tovardan, ma’lum ijtimoiy extiyojning mazkur iste’mol qiymatidan qoniqqanlik darajasini ifodalaydi. Maxsulot sifati xom-ashyo, ishlab chiqarish vositalarining sifatini oshirishdan olinadigan iqtisodiy samarada namoyon bo‘ladi.

Xomashyo sifatini oshirishdan olinadigan iqtisodiy samara:

• 
  materiallar sarfi normalarining kamayishida;
  
• 
  unga ishlov berishga qilinadigan mexnat sarfining qisqarishida;
  
• 
  pirovard maxsulot chiqishning ko‘payishida;
  
• 
  maxsulot sifatining yaxshilanishida namoyon bo‘ladi.
  

Mashinalar sifatini oshirishning samaradorligi:

• 
  mexnat unumdorligining oshishida;
  
• 
  mashinalar chidamliligining uzayishida;
  
• 
  zaxiradagi mashinalarga bo‘lgan talabning qisqarishida;
  
• 
  ta’mir talab mashinalar sonining kamayishida;
  
• 
  kapital sarflariga bo‘lgan tejamkorlikda namoyon bo‘ladi va xokazo. Maxsulot sifatiga quyidagi omillar ta’sir ko‘rsatadi:
  
• 
  ishlab chiqarish vositalari sifati;
  
• 
  xomashyo, materiallar sifati;
  
• 
  ishlovchilarning malakasi, ish qobiliyati, uyushqoqliligi, tashabbuskorligi, izlanuvchanligi va ijodiy yondoshuvi;
  
• 
  ishlab chiqarishni tashkil qilish va boshqarish sana’ti.