"menejment va iqtisodiyot"

Bozorda narx uchta guruh omil natijasida shakllanadi: 
1.  Talab  omillari  (bozorda  o`xshash  tovarlar  mavjudligi  va  ularning  narxlari, 
bozorga kirish, xaridorlar  daromadi, talablari,  talabga  yo`naltirilgan  narx). 
2.  Xarajat  omillari  (ishlab  chiqarish xarajatlari,  marketing  xarajatlari,  foyda). 
3.  Raqobat  omillari  (tarmoqdagi  firmalar  soni,  aynan  o`xshash  import  tovarlari, 
raqobatchilar tovarlariga  bo`lgan narxni  bilish. 
Asosiy narxni belgilash uslubi quyidagilardan iborat: 

---

74 
 
  narxlashtirish  masalasi  qo`yiladi;   
  talab aniqlanadi; 
  xarajatlari  baholanadi; 
  raqobatchilar tovari va narx tahlil  qilinadi;   
  narxni  shakllantirish  uslubi tanlanadi; 
  oxirgi  natijaviy  narx o`rnatiladi. 
«O`rtacha  xarajatlar  plyus  foyda»  tamoyili  bo`yicha  narx  belgilash  tovarning 
tannarxiga  muayyan  ustama  qo`yishdan  iborat  bo`lib,  narx belgilashning eng oddiy 
usuli  hisoblanadi.  Ustama  narx  miqdori  tovar  turiga  qarab,  juda  keng  chegaralarda 
tebranib  turadi.  Shuningdek,  tovarning  ishlab  chiqaruvchidan  pirovard  natijada 
iste`molchiga  yetib  borishga  qarab  oxirgi  narx  ulgurji  va  chakana  savdo 
qo`yadigan ustama narxlar  yakunini  ifodalaydi.   
«Ko`zlangan  foyda  normasi»  olishni  ta`minlaydigan  narx  belgilash  usulini 
qo`llaydigan  ishlab  chiqaruvchilar  oldindan  sarf  etilgan  kapital  uchun  muayyan 
qaytim  foiz  olishga  intiladilar.  Bu  usul  o`rtacha  solishtirma  xarajatlarni 
hisoblashga asoslanadi. 
Narxni  chegaraviy  xarajatlar  bo`yicha  belgilash  usulini  qo`llash  bilan  firma 
mahsulotning  qo`shimcha  hajmi  birligini  bu  mahsulotni  ishlab  chiqarishning 
alohida  qiymatiga  sotadi,  bu  holda  xarajatlarning  faqat  bir  qismi  qoplanadi,  foyda 
amalga  oshmaydi.  Narx  belgilashning  bu  strategiyasi  agar  firma  ishni  to`xtatish 
xavfi  ostida  qolgan  va  foydalanadigan  ishchi  kuchini  saqlab  qolishni  xohlagan 
sharoitlarda  naf keltirishi  mumkin. 
Savdoda  do`konlarga  xaridorlarning  kelishini  ko`paytirish  uchun  sotuvchilar 
ayrim  tovarlarni  to`liq  xarajatlaridan  pastroq  baholab,  «jalb  etuvchi»  narxlar 
yaratadilar.  Xaridorlar  ko`payadi,  ular  arzon  narxdagi  tovarlar  bilan  birga  bunga 
qo`shimcha ravishda narxi  me`yorda bo`lgan tovarlarni  ham xarid qiladilar.   
Davlatning  narx  siyosati  bozor  iqtiodiyotiga  o’tish  sharoitida  narxlarni 
erkinlashtirish  va  milliy  bozor  narxlarini  jahon  bozori  narxlariga  yaqinlashtirishga 
qaratiladi. 
Narxlarni  erkinlashtirishdan  ko’zlangan maqsad:  
1)  xom  ashyo  bilan  mahsulot  ayrim  turlari  narxlari  o’rtasidagi  nomutanoiblikni 
yumshatish;   
2)  narx  bilan  aholi  daromadlari  va  korxonalar  foydasi  o’rtasidagi  mutanosiblikka 
erishish;   
3)  investittsion  tovarlar,  iste`mol  tovarlari  va  xizmatlar  narxlarining  oqilona 
nisbatini  ta`minlash;   
4)  ishlab  chiqarish  voitalari,  xalq  iste`mol  tovarlari,  bajarilgan  ishlar  va 
xizmatlarning  erkin  narxlari  hamda tariflariga  o’tish;  
5)  milliy  bozor narxlarini  jahon bozori narxlariga  yakinlashtirish.