Менежмент. Маркетинг

2.5. Operatsiyalar tadqiqoti va modellar

O‘zining mohiyati bo‘yicha, operasiyalar tadqiqoti - bu ilmiy tadqiqot usullarini tashkilotning operasiyalar bo‘yicha muammolariga qo‘llashdir. Muammo qo‘yilgandan so‘ng, operasiyalar tadqiqoti bo‘yicha mutaxassislar guruhi vaziyat modelini ishlab chiqadi. Model - bu vokelikni ko‘rsatish shaklidir. Odatda, model voqelikni soddalashtiradi yoki uni abstrakt ravishda ko‘rsatadi. Modellar murakkab voqelikni tushunishni osonlashtiradi. Masalan, yo‘l kartasi joylarda fazoviy o‘zaro nisbatlarni tushinishniyengillashtiradi. Bu model siz kerakli joygaetib borish ancha qiyin bo‘lar edi. Sinov va xatolar usuliga tayanishga to‘g‘ri kelardi. Xuddi shunday operasiyalar tadqiqotida ishlab chiqilgan modellar ham ko‘rib chiqiladigan o‘zgaruvchilar sonini menejment imkoni bo‘lgan miqdorgacha qisqartirib murakkab muammolarni soddalashtiradi.

Modelni ishlab chiqqandan keyin o‘zgaruvchilarga miqdoriy qiymatlar beriladi. Bu xar bir o‘zgaruvchini va ular orasidagi nisbatni obektiv holatda taqqoslashga va tariflashga imkon beradi. Menejment fanining muhim tavsifi - bu og‘zaki mulohazalar va tarifiy tahlillarni modellar va sonli qiymatlar bilan o‘zgartirishdir. extimol, miqdoriy usullarning Menejmentda qo‘llanishiga kompyuterlarning rivojlanishi eng kuchli turtki bo‘ldi. Kompyuter, operasiyalar tadqiqotchilariga voqelikka juda ham yaqinlashadigan va, demak, juda aniq bo‘lgan yanada murakkablashib boradigan matematik modellarni yaratishga imkon berdi.