Менежмент. Маркетинг

Samaradorlik uchun 3 savol

Biror vazifani bajarmasangiz, nima bo‘lishi haqida o‘zingizga savol bering. Kun davomida yana uchta savolga javob izlang: qaysi ishlar eng muhim va zarur? Ahvolni yaxshilash uchun men, faqat mengina nima qila olishim mumkin? O‘z vaqtimdan yanada unumliroq qanday foydalansam bo‘ladi? Bu savollarga javob topish sizning unumdorligingizni ikki marta oshiradi.

Muvozanat tamoyili

Ko‘payib borayotgan ish, vazifalardan vahimaga tushmaslikning eng oson yo‘li - chuqur nafas olib “Men faqat qo‘limdan kelganicha ishlay olaman” deyish va xotirjamlik bilan ro‘yxat tuzishga kirishish. Oldingizda ko‘ndalang turgan ishlarni tahlil qila turib, siz doimo hayotiy muhim muammolarni hal qilishga vaqtingiz yetishini ko‘rasiz. Hayotingizda muvozanat saqlanib qolishini diqqat bilan nazorat qiling. Tinka-madoringiz quriganicha ishlaganingiz bilan organizmingizni alday olmaysiz, u baribir o‘zining aytganini qiladi, agar siz to‘xtamasangiz, u buni majburan amalga oshiradi. Bu esa sizning rejangizdan tashqari holat.

Biroq unumdorlik uchun faqatgina taym-menejmentning o‘zi kamlik qiladi. O‘z salomatligini nazorat qilish va o‘zini me’yoriy fizik holatda tutish ham muhim. Hayotingiz mazmunga boy bo‘lishi, unda doimo oilangiz va dam olish uchun vaqt topilishi kerak.

Muvozanatning asosiy tamoyili: uydagi vaqt miqdori va ishdagi vaqt sifati muhim. Birinchi o‘rinda doimo siz va hayotingizdagi muhim kishilar turishi lozim. Aslida shulargina o‘z shaxsiy samaradorligingiz ustida ishlashga arziydi.