Менежмент. Маркетинг

Utilitar yondashuv.

19-asrda faylasuflar Iyeremiy Bentam va Jon Styuart Mill tomonidan ishlab chiqilgan Utilitar yondashuvning asosiy tamoyillarida aytilishicha, axloq me’yorlariga mos keluvchi xulq-atvor eng ko‘p insonlarga eng ko‘p foyda keltiradi. Qaror qabul qiluvchi individ xar bir variant qarorning manfaatdor tomonlarga ta’sirini ko‘rib chiqishi kerak va eng ko‘p sonli insonlarni qoniqtiradigan variantini tanlashi lozim. Moxiyatan bu yerda masalaning eng maqbul yechimini izlash to‘g‘risida gap ketmoqda. Modomiki, to‘liq xisob-kitoblar anchagina murakkab bo‘lishi mumkin, shuning uchun shartlarni soddalashtirishga yo‘l qo‘yiladi. Masalan, xarajatlar va natijalarni pul ko‘rinishida xisob-kitob qilishda sodda iqtisodiy me’zon ishlatilishi mumkin. Undan tashqari, qaror qabul qilishda faqat bevosita qaror tegib o‘tadigan tomonlarning xolatini ko‘rib chiqish xuquqiy jixatdan to‘g‘ridir. Utilitar etika shuningdek, kompaniyada ish joyida, ba’zi xollarda esa ishdan so‘ng xam alkogol ichimliklarni ichish va chekishni ta’qiqlashni oqlaydi, chunki bunday xulq-atvor tashkilotning jamoasiga salbiy ta’sir ko‘rsatadi. Xuddi shuningdek, ko‘p kompaniyalar ofisda Internetni ishlatish ustidan monitoring o‘rnatilishini jamoada sog‘lom va samarali muxitni ushlab turish zarurligi bilan izoxlaydilar. Agar xodimlar bexayo saytlarni ko‘rsalar, irqchilikni targ‘ib qiluvchi chatlarda qatnashsalar yoki kuni bilan virtual do‘konlarda aylanib yursalar, - oxir-oqibatda tashkilot aziyat chekadi.