Менежмент. Маркетинг

5-amaliy mashg‘ulot: Marketing faoliyatini axborot

bilan ta’minlash(4 soat).

1. Darsning maqsadi: Talabalarga marketing faoliyatini tashkil etish borasidagi axborotlar va ularning turlari, turkumlanishi, axborot tizimlari, axborotlarni to‘plash uslublarini tushuntirib ularga nazariy bilimlarini o‘rgatish.

2. Darsning rejasi:

1. 
   Axborot tizimi.
   
2. 
   Axborot turlari va ularning turkumlanishi.
   
3. 
   Axborotlarni to‘plash usullari.
   
4. 
   Marketing axborotlarini asosiy elementlari.
   

Marketing axborot tizimi(MAT) marketingning rejalashtirilishni takomillashti rish, marketing tadbirlarini amalga oshirish va tadbirlar ijrosi ustidan nazorat maqsadlarida foydalanish yuzasidan aniq harorlar qabul qilish uchun zamon va makonda axborotlarni yig‘ish, qayta ishlash, tahlil qilish, baholash va tarqatish yuzasidan uzluksiz va o‘zaro bog‘liq kishilar, asbob-uskunalar va jarayonlar yig‘indisidir.

Axborotlarning hosil bo‘lish bosqichlariga marketing axborotini birlamchi va ikkilamchi axbortlarga ajratiladi.

Ichki axborot bu aniq marketing muammosini echish uchun maxsus dala(bozor) tadqiqotlari va modellash asosida hozirgina olingan ma’lumotlar yig‘indisi hisoblanadi.

Ikkilamchi axborot korxona ishlab chiqarish va ularni muammolari echimi bilan bog‘liq bo‘lmagan boshqa qandaydir maqsadlar uchun ishlatiladigan ma’lumotlar to‘plamidir.

Birlamchi marketing axboroti, odatda, maxsus tadqiqotlarning mahsuli hisoblanadi. Ikkilamchi axborotni olganda esa massivning asosiy qismini firmalar haqidagi ma’lumotlar tashkil qiladi. Ular birinchi navbatda quyidagi vazifalarni echish uchun kerak:

Ø eng raqobatbardosh tovarni yoki xizmatni aniqlash;

Ø raqobatchi firmalar, ularning strategiyalarini aniqlash;

Ø neytral firmalarni aniqlash;

Ø optimal strategiyani ishlab chiqish.

Ikkilamchi axborotning doimiy manbalari quyidagilar:

Ø statistika idoralarining axborot materiallari;

Ø davlat boshqaruvi organlarining axborot materiallari;

Ø savdo palatalari, assotsiatsiya, birlashmalarning axborotlari;

Ø xalqaro tashkilotlar, banklarning nashrlari;

Ø maxsus kitob va jurnallar;

Ø davriy matbuot ma’lumotlari;

Ø ma’lumot beruvchi adabiyotlar;

Ø yirik firmalarning nashrlari;

Ø komp’yuter tarmoqlarining resurslari.
3. Darsning ta’minoti:

Adabiyotlar ro‘yxatida ko‘rsatilgan adabiyotlar asosida.

4. Darsning borishi: Talabalar bilan salomlashish, davomatni aniqlash, o‘tilgan darsni takrorlash, uy vazifalarni tekshirish, talabalarning bilimini baholash va yangi amaliy mashg‘ulot darsini tushuntirish, berilgan topshiriqlarni birgalikda bajarish hamda uyga qo‘shimcha topshiriqlar berish.

5. Talabalarning mustaqil ishlashi uchun topshiriqlar.