Меҳнат ва касб таълими

Mohir qo‘llar” to‘garagida qanday amaliy ishlarni bajarish mumkin? 
1.
Kitoblarni tuzatish va muqovalash. 
2.
Turli kolleksiyalarni jihozlash. 
3.
Yosh tabiatshunoslar ishi uchun inventar tayyorlash. 
4.
Sinfni, zalni bezash uchun turli buyumlar yasash. 
5.
O‘yinlar, jumboqlar, atraksionlar uchun buyumlar tayyorlash. 
6.
Fanerdan turli shakllar qirqish. 
7.
Yog‘ochdan turli sodda buyumlar yasash. 
8.
Loydan buyumlar yasash. 
9.
Gipsdan buyumlar yasash. 
10.
Tabiiy materialdan ko‘rgazmalar, yangi yil archasi uchun buyumlar 
yasash. 
11.
Konstruksiyasi murakkab bo‘lmagan xilma-xil xarakatlanuvchi modellar, 
priborlar, maketlar yasash. 
12.
Maktab va uy jihozlarini yasash. 
To‘garak rahbari to‘garak a’zolarining yosh xususiyatlarini, ularning 
imkoniyat va qiziqishlarini, maktabning real imkoniyatlarini nazarda tutib, bu 
ro‘yxatdan o‘z to‘garagiga muvofiq keladigan ish turini tanlab olishi mumkin. 
“Mohir qo‘llar” to‘garagi ishida ishlab chiqarishga, tabiat quchog‘iga 
uyushtiriladigan ekskursiyalarning ahamiyati kattadir. Ishlab chiqarishga 
uyushtirilgan ekskursiya o‘quvchilarning ijodiy qobiliyatlarini faollashtiradi. 
Texnalogiya kishilariga hurmatini tarbiyalaydi, ularni xilma-xil kasblar bilan 
tanishtiradi. To‘garak a’zolarining qurilish, mashina traktor parkiga, bosmaxonaga 
ekskursiyaga borishlari va u yerdagi ishlar bo‘yicha umumiy tasavvurga ega 
bo‘lishlari foydalidir. To‘garak rejasini rahbar odatda sinf rahbarlari bilan 
hamkorlikda bir yilga tuzadi. Rejaga to‘garak qanday ish turi bilan shug‘ullanishi 
va shu ish turlari bo‘yicha qanday amaliy ishlar amalga oshirilishi qayd etiladi. 
Rejadagi ishlar oddiydan murakkabga o‘tishni ta’minlash uchun qiyinlik darajasiga 
ko‘ra joylashtiriladi. Rejada o‘tkaziladigan ekskursiyalar ham ko‘rsatiladi. 
To‘garak rejasini maktab direktori tasdiqlaydi. To‘garak mashg‘uloti haftada bir 
marta o‘tkazilib u 1,5 soatdan ortiq davom etmasligi kerak. To‘garak mashg‘uloti 
odatda yangi ish usullarini ko‘rsatishdan boshlanib, to‘garak a’zolari bu harakatni 
takrorlaydilar, asosiy ishga esa ular bu ish usullarini yaxshi egallab olganlaridan 

---

215 
so‘ng kirishiladi. To‘garak a’zolarining ishlarini bajarish jarayonida oddiy 
sxemalar, chizmalardan foydalanishga, materiallarga tartibli, tejamkorlik bilan 
munosabatda bo‘lishga, asboblar hamda ish joyini toza va tartibli saqlashga 
o’rgatish zarur. To‘garakning har bir a’zosi “O‘zing bilib oldingmi - o‘rtog‘ingga 
ham o‘rgat” degan qoidani doimo yodida saqlashi kerak.