Dastgohda ishlash.
Dastgohchi zagotovkani tirgak chizg‘ich bo‘yicha joylashtirib, qisqich bilan qisib qo‘yadi. So‘ngra elektr dvigatelni, shpindel gidravlik usulda suriladigan dastgohlarda esa gidravlik yuritma ishga tushiriladi. Parma zagotovka tomon suriladi. Teshik ochilgach, shpindel dastlabki holatga qaytadi va zagotovka dastgohdan olinadi. Shpindeli qo‘lda suriladigan dastgohlarda dasta yoki pedaldan foydalaniladi.
Zanjirli o‘yuvchi dastgohlar detallarda to‘rtburchak kesimli uyalar ochish uchun xizmat qiladi. Turumlar va qulflarga uyalar o‘yish uchun zanjirli o‘yish dastgohlarida frezalash zanjirlari qo‘llaniladi. Ular parchin mixlar vositasida sharnirli mah- kamlangan keskichlar to‘plamidan iborat (61-rasm,/). Zanjirlar uyalarning eniga qarab 8-20 mm qalinlikda ishlab chiqariladi.
Xulosa
Xulosa qilib shuni aytish mumkinki, Yog'ochsozlik yillar davomida takomillasha borib, undan yangi-yangi sanoat tarmoqlari vujudga keldi. Ayniqsa yog'ochni kimyoviy qayta ishlash tufayli yog'ochsozlikda tub (inqilobiy) o'zgarish yasaldi.
Mamlakatning yog'och-taxta xomashyosiga bo'lgan yillik ehtiyoji 10 mln m kubdan ortmoqda. Ammo yog'och xomashyosi bo'ladigan tabiiy o'rmonlar bizda nihoyatda cheklangan. Shu bois har yili millionlab nihol ekiladi, «ko'kalamzorlashtirish oyligi» o'tkaziladi. O'rmonlar barpo etish va yog'och boyliklaridan oqilona foydalanish bilan maxsus o'rmon xo'jaliklari shug'ullanadi. Respublikamizda 100 ga yaqin o'rmon xo'jaligi korxonalari, qo'riqxonalar va milliy bog'lar bor.
O'rmon sanoati mahsulotlaridan mashinasozlik, kimyo sanoati, yengil sanoat, transport va qurilishda foydalaniladi. O'z navbatida o'rmon sanoati ham boshqa tarmoqlardan laklar, bo'yoqlar (mebel ishlab chiqarish uchun), soda, natriy, oqartiruvchi ximikatlar (qog'oz tayyorlash uchun), avtomashinalar, traktorlar, stanoklar (yog'och tayyorlash va ishlov berish uchun) oladi. Boshqacha qilib aytganda, o'rmon sanoati bilan boshqa tarmoqlar orasida keng tarmoqlararo aloqalar mavjuddir.
Mustaqillik yillarida Toshkent duradgorlik buyumlari zavodi, quyoshdan himoya uskunalari zavodida esa plastmassadan deraza romlari ishlab chiqaradigan sex, Asakada duradgorlik buyumlari zavodi ishga tushirildi. Toshkentda O'zbekiston-Gretsiya qo'shma korxonasi «O'z Ellas» gugurt zavodi mahsulot bera boshladi. Ammo yog'och xomashyosi tanqisligi sanoatga jiddiy qiyinchilik tug'dirmoqda. Vazirlar Mahkamasining 1994-yil 8-fevraldagi «Sanoat terakchiligini rivojlantirish va boshqa tez o'suvchi yog'ochbop daraxtlarni barpo etishga oid chora-tadbirlar to'g'risida»gi maxsus qarori o'rmon sanoatida keskin o'zgarish yasadi. Qarorga muvofiq terakzorlar maydoni har yili 10 ming gektarga kengaymoqda. Yaqin kelajakda har yili 5 mln m kub sanoatbop yog'och tayyorlanadi. Yog'och tayyorlash korxonalari taxta tilish zavodlariga g'o'la yog'och yetkazib beradi.
Do'stlaringiz bilan baham: |