Меҳнат жамоасининг умумий йиғилишида маъқулланган 2018 йил “ ”

4-§. Меҳнат шартномаси ва ундаги маълумотлар

11. 
    Меҳнат шартномасида тарафларнинг келишуви бўйича қуйидагилар белгиланади:
    

а) иш жойи;
б) ходимнинг меҳнат вазифаси, яъни мутахассислиги малакаси, ишлайдиган лавозим;
в) ишнинг бошланиш куни;
г) меҳнат шартномаси муайян муддатга тузилганида унинг амал қилиш муддати;
д) ўриндошлик бўйича ишга қабул қилиш пайтида ҳар кунги ишнинг давомийлиги;
е) меҳнат ҳақи миқдори ва меҳнатнинг бошқа шартлари.

12. 
    Меҳнат шартномасида кўзда тутилган меҳнат шартлари даражаси қонунчиликда, жамоа шартномасида, банкда қабул қилинган бошқа меъёрий ҳужжатларда белгиланган даражадан паст бўлиши мумкин эмас.
    

13. 
    Меҳнат шартномасини тузиш пайтида меҳнатга доир бошқа шартлар ҳам кўрсатилиши мумкин (ишга қабул қилишда синов муддати, иш режими, меҳнат шартномани муддатидан олдин бекор қилиш ҳолатида жарима тўлаш, тўлиқ иш вақтида ишлаш, касблар (лавозим)ни ўриндошлик асосида олиб бориш, хизмат кўрсатиш ҳудудини кенгайтириш, бажарилаётган иш ҳажмини ошириш, таътилнинг давом этиш муддатини кўпайтириш ва ҳ.к.).
    

14. 
    Агар меҳнат шартномасида унинг амал қилиш муддати кўрсатилмаган бўлса, у номуайян муддатга тузилган деб ҳисобланади.
    

15. 
    Фақат қуйидаги ҳолатларда муддатли меҳнат шартномаси тузилиши мумкин:
    

а) бажарадиган ишнинг хусусияти, уни бажариш шартлари ёки ходимнинг манфаатларини ҳисобга олган тарзда, номуайян муддатга мўлжалланган меҳнат шартномаларини тузиш мумкин бўлмаган ҳолатларда (касаллиги, маласини ошириш учун юборилганлиги, таътилда, шу жумладан бола парваришлаш таътилида бўлган вақтинчалик иш жойида бўлмаган бошқа ходимнинг ўрнига ишга қабул қилиш ва ҳ.к.);
б) филиал бошқарувчиси, унинг ўринбосарлари, бош бухгалтер вазифасини вақтинча бажарувчи ходимлар билан вазифасини бажариш муддатига;
в) ходим ана шундай шартнома тузишдан манфаатдор ва унинг ёзма аризаси мавжуд бўлса;
г) ходим билан номуайян муддатга меҳнат шартномасини тузиш бошқа қонун ҳужжатларининг бузилишига олиб келса (вақтинчалик прописка ва ҳ.к.);
д) муддатли шартномани тузиш қонунда кўзда тутилган бўлса.