Men baxtlarga qo'lim tutaman, Baxtlar menga quchoq ochadi

Men baxtlarga qo'lim tutaman

Men baxtlarga qo'lim tutaman ,

Baxtlar menga quchoq ochadi.

Oq tonglarni intiq kutaman ,

Quyosh iliq mehrin sochadi.

Men gullarga ilhaq bo'laman ,

Gullar meni sarxush etadi .

Yomg'irlarga dilim ochaman ,

Ko'z yoshlarim yuvib ketadi.

Shamollarni quvsam , ergashib ,

Sochlarimni silab o'tadi .

Xayollarim bir zum chalkashib ,

Bolalikka olib ketadi.

Yalangoyoq chopgim keladi ,

Moviy dengiz qirg'oqlarida .

To'lqinlar mavj urib yeladi ,

Gul tutadi dudoqlarida .

Sirli kumush ko'zgu - hayotga ,

Nega qovoq uyishim kerak ?

Tabassum-la boqishi uchun ,

Men ham unga kulishim kerak.

Men baxtlarga qo'lim tutaman

, Baxtlar menga quchoq ochadi.

26-iyun 2020-yi

NamDU tabiiy fanlar fakulteti 103-guruh talabasi

Yo'ldoshaliyeva Muattar