Международный научно-образовательный электронный журнал «образование и наука в XXI веке». Выпуск №25 (том 2)

 
TADQIQOT METODOLOGIYASI VA EMPIRIK TAHLIL 
Ma’muriy akt o‘z mazmuniga ko‘ra yetarli darajada aniq bo‘lishi lozim. 
Ma’muriy akt yozma, elektron, og‘zaki yoki boshqa shaklda chiqarilishi mumkin. 
Huquqiy manfaat mavjud bo‘lganda va manfaatdor shaxs zudlik bilan talab qilgan 
hollarda og‘zaki ma’muriy akt yozma yoki elektron shaklda tasdiqlanishi lozim. 
Yozma yoki elektron ma’muriy aktda uni qabul qilgan ma’muriy organ nomlanishi, 
imzosi, ma’muriy organ rahbari, o‘rinbosari yoki boshqa vakolatli shaxs imzosi (ism-
sharifi) aks ettirilishi shart[6]. Yozma yoki elektron ma’muriy aktda shikoyat qilish 
to‘g‘risidagi, jumladan, ma’muriy aktga nisbatan qanday ko‘rinishdagi shikoyat 
keltirilishi mumkinligi, shikoyat qaysi ma’muriy organ yoki sudga berilishi lozimligi, 
ma’muriy organ yoki sud joylashgan yer hamda shikoyat muddati (shikoyat qilish 
tartibi) to‘g‘risidagi tushuntirishlar ilova qilinishi lozim. 
Yozma yoki elektron shakldagi ma’muriy akt asoslantirish qismidan iborat 
bo‘lishi lozim. Asoslantirishda ma’muriy organ o‘z qarorini qabul qilishida asos 
bo‘lgan barcha muhim faktik holatlar va yuridik asoslar keltirilishi lozim. Ma’muriy 
organ o‘z ixtiyori (xohish-irodasi) asosida qabul qilgan qarorida bunday qarorni qabul 
qilishni keltirib chiqargan holatlarni asoslantirib berishi darkor. Quyidagi hollarda 
asoslantirish talab etilmaydi: ma’muriy akt uchinchi shaxslar manfaatiga daxl 
qilmaydigan hollarda ma’muriy organ iltimosnomani qanoatlantiradigan yoki 
bildirilgan irodaga muvofiq harakat qilganda; ma’muriy akt yo‘naltirilgan 
(mo‘ljallangan) yoki manfaatlariga daxl qiladigan shaxsga ma’muriy organning ish 
holatlari faktik va yuridik holatlari to‘g‘risida ma’muriy organning fikrini allaqachon 
bilgan bo‘lsa yoki bunday fikrni asoslantirishsiz ham tushuna oladigan holatlarda; har 
bir holatda asoslantirishni taqdim etishga zarurat bo‘lmasa va ma’muriy organ bir 
xildagi ma’muriy akt ma’muriy aktlarni ko‘p miqdorda qabul qiladigan bo‘lsa yoki 

---

952 
ma’muriy aktlarni texnik vositalar orqali qabul qilganda; huquq normasida nazarda 
tutilgan hollarda; umumiy farmoyish ommaviy e’lon qilinganda. 
Ma’muriy akt protsedura kimga qaratilgan bo‘lsa, o‘sha ishtirokchiga yoki 
ushbu ma’muriy akt bilan manfaati daxl qilingan protsedura ishtirokchisiga e’lon 
qilinishi shart. Agar vakil tayinlangan bo‘lsa, ma’muriy akt vakilga e’lon qilinishi 
mumkin. Ma’muriy akt pochta xizmati yoki elektron shaklda yuborilganda pochtaga 
topshirilgan yoki elektron tarzda yuborilgan kundan uchinchi kunda yuborilgan deb 
hisoblanadi. Agar ma’muriy akt yuborilishi to‘g‘risida shubha yuzaga kelsa, ma’muriy 
organ ma’muriy aktni yetkazish faktini va vaqtini isbotlab berishi shart.