Mehnat muhofazasi va ekologiya

V=2 π· f A, mm/s; , mm/sek²


Titrash quyidagi asboblar bilan o‘lchanadi.

1. 
   BP-1
   
2. 
   ISHV-1
   
3. 
   VEP- 4 va boshqalar.
   

Titrashga qarshi kurash usullari:

1. 
   Titrashni ixotalash.
   
2. 
   Titrashni so‘ndirish.
   
3. 
   SHaxsiy himoya vositalari.
   

Titrash kishi organizmiga salbiy ta’sir qiladi, natijada ish unumdorligini pasaytiradi, ko‘pincha og‘ir kasbiy kasallik – titrash kasalligiga olib keladi. SHuning uchun titrashga qarshi tadbirlarga alohida ahamiyat beriladi.
Titrash kasalligi kasbiy kasalliklarga kiradi. Bu kasallikni boshlang‘ich davridagina yaxshilab davolash mumkin.
Titrash kasalligini davolash, ayniqsa, kasallik ruju qilgan holatlarda uzoq muddat davom etadi. Ko‘p hollarda kasallik o‘tib ketsa, nogironlikka olib kelishi mumkin.
Mashina va mexanizmlarining titrashini kamaytirish quyidagi usullarda olib boriladi:

• 
  titrashni keltirib chiqarayotgan manbaga ta’sir qilish;
  
• 
  rezonans holatidan chiqarish;
  
• 
  titrashni dempferlash;
  
• 
  titrashni dinamik so‘ndirish;
  
• 
  mashina va binolarning konstruktiv elementlarini o‘zgartirish;
  
• 
  titrashni ixotalash va shaxsiy himoya vositalarini qo‘llash.
  

Mexanizatsiyalashgan, elektr yoki havo yordamida ishlanganda, qo‘lni titrashdan saqlash uchun maxsus qo‘lqoplar, qistirma va plastikalardan tashkil topgan shaxsiy himoya vositalaridan foydalaniladi. SHaxsiy himoya vositalariga qo‘yiladigan umumiy talabalar San Pin №00.65 – 96 da belgilangan.
Titrash kasalligini oldini olish uchun titrash mavjud bo‘lgan ishlarda maxsus ish tartibi qo‘llaniladi. Masalan, titrash mavjud bo‘lgan mashinalarda umumiy ish vaqti smenaning 2/3 qismidan oshmasligi kerak. Bunda tinmasdan ishlash vaqti 15-20 min va dam olish vaqtlari bo‘lishi kerakligi ko‘zda tutilgan. Ishni tashkil qilishda titrashli operatsiyalarni titrash bo‘lmagan ishlar bilan almashtirib turish kerak.
Titrashni o‘lchash uchun ko‘pgina asboblar mavjud. Bulardan unversal shovqin, tovush spektori analizatori, titrash, infra... va ultratovushlarni o‘lchay oluvchi “Oktava – 110A”, “NT154”, “SVAN-943” rusumli ixcham raqamli shumomerlar (Rossiya), RFT (Germaniya), “Bryul va K’er” (Daniya) asboblari diqqatga sazovordir.