Механизм ва машиналар назарияси фанининг предмети, вазифаси, тарихи ва тушунчалари

Энергетик машиналар двигателнинг механик энергиясини бошқа тур энергиясига айлантириш учун фойдали механик иш бажаради. Электр энергия хосил қилиш машиналари кенг таркалгандир – булар ГЭС даги сув турбинали турбогенераторлар, ГРЕСдаги газ ва пар турбиналари, кичик электростанциядаги дизельгенераторлар. Бу машинанинг двигателлари (турбина ёки дизель) бажарувчи механизм (генераторлар) билан узатиш механизмсиз боғлангандир.
Амалда ҳар қандай энергетик машиналар юкларни ўзгаришида бош валнинг айланиш частотасини автоматик равишда ушлаб туриш учун ёрдамчи механизмга эга.
Ташувчи машиналар объектни маконда жойдан – жойга кучириш учун хизмат қилади. Булар юк кўтариш кранлари, транспортёрлар, автомобил, самолётлар, лифтлар ва ҳ.к.
Технологик машиналар объектни технологик операциялар ёрдамида холатини, ўлчамини ўзгартиради. Бу машиналар ишлаб чиқаришнинг исталган соҳасида қурилишида, қишлок хўжалигида қўлланилади.
Машинасозлик заводларида – бу метал қирқиш станоклари, темирчилик-пресслаш машиналар, енгил саноатдаги фабрикаларда- тикув станоклари, хом ип ясайдиган машина, йигирув, тикиш машиналар; қурилишда – экскаваторлар, бульдозерлар ва бетон қориштирувчи; қишлок хужалигида – комбайнлар, пахта териш машиналар, култиваторлар ва ҳ.к. Металга ишлов берувчи дастгохлар учун объект – загатовка ҳисобланса, технологик операция учун- чархлаш, натижада- деталь ҳосил бўлади. Экскаватор учун объект тупроқ, технологик операция –

– ковлаш, натижа – фундамент учун котлаван.
Кибернетик машиналар инсон қўли ҳаракатига мос равишда фойдали механик иш бажаради. Бундай машиналарни робот, уни бажарувчи механизмни манипулятор дейилади. Саноат роботлари ташишга мулжаллангандир (мисол, технологик машиналарга деталларни юклаш ва силжитиш) ёки технологик функцияларни бажаради (мисол, пайвандлаш ёки краска ишлари).
Робот турли-туман механик операцияларни бажара олиши билан бир каторда вужудга келувчи мантиқий масалаларнинг маълум бир мажмуини мустақил равишда эга оладиган юқори даражадаги техник системани билдиради. Кўпинча инсон ҳаёти учун зарарли жойларда роботлар қўлланилади: радиоактив зоналарда, иссик цехларда, космос, сув остида ва ҳ.к.