Механизм ва машиналар назарияси фанининг предмети, вазифаси, тарихи ва тушунчалари

Механизм ва машиналар назарияси фанининг предмети, вазифаси, тарихи ва тушунчалари

Режа

1. “Машина ва механизм назарияси” фанининг умумий ҳолатлари.

2. Машинанинг блок-схемаси.
3. Машина хиллари.
4. Механизмларнинг тузилиши.
5. Кинематик жуфтларнинг синфларга бўлиниши.

Мавзунинг мақсади:Умумий ҳолатлар

“Машина ва механизмлар назарияси” фани умумий инженерлик фани ҳисобланиб, ҳамма машинасозлик олий ўкув юртларида ўзгартирилган ҳажмда ва мутахассислигига қараб ўқитилади. Бизнинг институтимизда бу фан иккинчи курсда, 36-соат маъруза, 18-соат амалиёт ва лаборатория дарслари, бундан ташқари, талабалар 4 курсда «Кон машиналари» фанидан лойиҳалаш ёки кончилик саноатида қўлланадиган технологик машиналарни лойиҳалаш буйича курс лойихаси бажаришларига асос бўлиб хизмат қилади. Мутахасисликка тегишли маъруза ва амалиёт дарслари асосан кон машиналари механизмларидан ёки ишлаб чиқаришда қўлланадиган ускуналардан мисоллар билан бойитилган.
Баённомалардан кўриниб турибдики, ММН – бу машина туғрисидаги фан. Бу маърузада машиналарнинг тузилиши бир хилда бўлиб, улар конструкцияси буйича фарқ қилиши мумкин, умуман машиналарнинг структураси буйича тузилиши ўхшашдир.
Машина, механизм ва унинг назарияси нима билан шуғулланищини кўриб чиқамиз. Машина – бу инсоннинг ақлий ва жисмоний меҳнатини енгиллаштириш, иш унумдарлигини ошириш учун механик иш бажаришига мўлжалланган қурилмадир. Шунга асосан экскаватор – бу машина, компьютер эса машина эмас у механик иш бажармайди. Купчилик машиналар инсоннинг мехнат унумдорлигини ўн ва юз баравар оширади, шундай ҳам бўлиши мумкинки ишни юқори аниқлик даражасида инсон қилиши мумкин бўлмаган

ҳолларда ёки инсонга зарарли бўлган жойларда ишлатиш мумкин.
Механизм – бу машинанинг асосий қисми.
Механизм мақсадга мувофик нисбий механик ҳаракат қилувчи жисмлар системасидир.
ММН машина ва механизмларни схема кўринишида тузилиш асосларини, ҳаракатини ва лойиҳалашни ўрганади. Бу фан шартли равишда уч қисмга бўлинади:
- машина механизмлар тузилиши;
- механизмлар назарияси;
- машина динамикаси;